కమర్షియల్ ఎలిమెంట్స్ ఉన్న పక్కా ఫిక్షనల్ మూవీ ‘డెవిల్’ : నందమూరి కళ్యాణ్రామ్
on Dec 26, 2023
.WEBP)
రెగ్యులర్ సినిమాలకు భిన్నంగా, ప్రేక్షకులకు తన సినిమాలో ఏదో కొత్తదనం చూపించాలి అని ఆలోచించే హీరోల్లో నందమూరి కళ్యాణ్రామ్ కూడా ఒకరు. ఇప్పటివరకు అతను చేసిన సినిమాలన్నీ విభిన్నమైనవే. జయాపజయాలతో సంబంధం లేకుండా కొత్తపంథాలో సాగే సినిమాలు చేసుకుంటూ వెళుతున్న కల్యాణ్రామ్ లేటెస్ట్ మూవీ ‘డెవిల్’ ది బ్రిటీష్ సీక్రెట్ ఏజెంట్ ట్యాగ్లైన్. అభిషేక్ నామా స్వీయ దర్శకత్వంలో నిర్మించిన ఈ పాన్ ఇండియా మూవీ డిసెంబర్ 29న ప్రేక్షకుల ముందుకు రాబోతోంది. ఈ నేపథ్యంలో ‘డెవిల్’ చిత్రానికి సంబంధించిన విశేసాలను తెలిపారు హీరో కల్యాణ్రామ్.
ఒక్కోసారి కమర్షియల్ ఎలిమెంట్స్ మిస్ అవుతుంటాను
-` ప్రేక్షకులకు కొత్త సినిమాలను అందించాలని నేను ఎప్పుడూ ప్రయత్నిస్తుంటాను. ఒక్కోసారి కమర్షియల్ ఎలిమెంట్స్ మిస్ అవుతుంటాను. ఉదాహరణకు ఎమిగోస్ సినిమా విషయానికి వస్తే అందులో డాపల్ గ్యాంగర్ అనే కొత్త కాన్సెప్ట్ ఉంది. దాన్ని చెప్పే క్రమంలో ఎక్కడో ఇంకొన్ని కమర్షియల్ ఎలిమెంట్స్ యాడ్ చేయాలనే ఆలోచన నాకు ఆరోజు రాలేదు. డైరెక్టర్తో కూర్చుని మాట్లాడి ఆ పని చేసుండాల్సి. ఆ తప్పు నాదే. అందువల్ల మిస్ ఫైర్ అయ్యిందని అనుకుంటున్నాను. ఈ సినిమా విషయంలో కమర్షియల్ అంశాలు ఉండేలా జాగ్రత్తలు తీసుకున్నాను. ఇన్వెస్టిగేటివ్ మూవీలో కమర్షియల్ ఎలిమెంట్స్ మిక్స్ అయ్యి ఉండటం నాకు కొత్తగా అనిపించింది. ఇది పక్కా ఫిక్షనల్ మూవీ.
నా క్యారెక్టర్కి భారతీయతను ఆపాదించారు
-` సౌందర్ రాజన్గారు సినిమాటోగ్రాఫర్ అనగానే నేను కథ వినేటప్పుడు ఎలా ఉంటుందని అంచనా వేసుకున్నానో దాన్ని మించేలానే విజువల్స్ ఉంటుందని నిర్ణయించుకున్నాను. అలాగే రాజేష్ తో 2017 నుంచి వర్క్ చేస్తున్నాను. డెవిల్ ఫస్ట్ లుక్ని విడుదల చేసినప్పుడు.. హీరో లుక్ ఎలా ఉండాలని అనుకున్నప్పుడు రాజేష్ రెఫరెన్స్ తీసుకొచ్చి చూపించారు. అది చూడగానే నాకు హ్యాపీగా అనిపించింది. నా క్యారెక్టర్కి భారతీయతను ఆపాదించే ప్రయత్నం చేశారు.
హర్షవర్థన్ రామేశ్వర్ విషయంలో చాలా హ్యాపీ!
- హర్షవర్ధన్ రామేశ్వర్ గురించి చెప్పాలంటే అర్జున్ రెడ్డి సినిమాకు బ్యాగ్రౌండ్ స్కోర్ చేశారని అభిషేక్ నామాగారు చెప్పారు. తనే డెవిల్ సినిమాకు సంగీతాన్ని అందిస్తున్నారని చెప్పారు. అర్జున్ రెడ్డి సినిమాకు హర్ష అందించిన బీజీఎం చాలా బావుంది. డెవిల్ విషయానికి వస్తే పాటలు ఓ వైపు ఉంటే.. బ్యాగ్రౌండ్ స్కోర్ దాన్ని బ్యాలెన్స్ చేసేలా ఉండాలి. బింబిసారలో కీరవాణిగారిలా న్యాయం చేస్తాడా అనిపించింది. అయితే సినిమా చూసిన తర్వాత హ్యాపీగా అనిపించింది.
నా క్యారెక్టర్కి సమానంగా సంయుక్త క్యారెక్టర్ ఉంటుంది
- సంయుక్తా మీనన్, మాళవికా నాయర్ పాత్రలు చాలా చక్కగా ఉంటాయి. వీరి పాత్రలే కాదు.. ప్రతీ పాత్రకు కథలో ప్రాముఖ్యత ఉంటుంది. హీరోకు సమానంగా సంయుక్తా మీనన్ క్యారెక్టర్కి ఇంపార్టెన్స్ ఉంటుంది. అలాగే మాళవికా నాయర్ పాత్రకు ప్రాముఖ్యత ఉంది.
రెస్పాన్స్ని బట్టే సీక్వెల్ ఉంటుంది!
- డెవిల్ సినిమాకు సీక్వెల్ గురించి ఓసారి డిస్కషన్ చేశాం. 40-50 శాతం స్క్రిప్ట్ వర్క్ అయితే చేశాం. ఓ దశలో షూటింగ్ కూడా చేయాలనుకున్నాం. కానీ వద్దనుకున్నాం. డిసెంబర్ 29న డెవిల్ సినిమాకు వచ్చిన రెస్పాన్స్ చూసి సీక్వెల్ అనౌన్స్ చేస్తాం.
20 ఏళ్ళ జర్నీలో చాలా విషయాలు నేర్చుకున్నాను
- మేం చేసే సినిమాలు గొప్పగా ఉండాలని అనుకుంటాం. అందుకనే ఔట్పుట్ విషయంలో జాగ్రత్తలు తీసుకుంటాం. నేను, తారక్ దేవర విషయంలో క్లియర్ ఉన్నాం. ఇద్దరికీ మాకొక క్లారిటీ వచ్చి క్లియర్గా లేకపోతే ఓ న్యూస్ గురించి స్పందించ కూడదని నిర్ణయించుకున్నాం. నటుడిగా ఇరవై ఏళ్ల జర్నీ పూర్తయ్యింది. ఈ ప్రయాణంలో తండ్రిగా, భర్తగా, సినిమాల పరంగా చాలా విషయాలు నేర్చుకున్నాను.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
