అనుకున్న ముహూర్తానికి నితిన్ పెళ్లి! కానీ...
on Mar 9, 2020
కరోనా వైరస్ ప్రభావం వల్ల జేమ్స్ బాండ్ 25వ సినిమా 'నో టైమ్ టు డై' విడుదల వాయిదా పడింది. విదేశాల్లో తమ సినిమా షూటింగులు చేయాలనుకున్న కొందరు... తమ షెడ్యూల్స్ రీ షెడ్యూల్స్ చేసుకున్నారు. థియేటర్లకు వచ్చే ప్రేక్షకుల సంఖ్య కాస్త తగ్గిందని ట్రేడ్ వర్గాలు చెబుతున్నాయి. మొత్తం మీద కరోనా వైరస్ చలనచిత్ర పరిశ్రమపై పలు విధాలుగా ప్రభావం చూపుతోంది. సినిమాలు, సినిమా షూటింగుల మీద మాత్రమే కాదు... సినిమా స్టార్స్ పెళ్లిళ్ల మీద కూడా ప్రభావం చూపుతోంది.
టాలీవుడ్ మోస్ట్ ఎలిజిబుల్ బ్యాచిలర్ నితిన్ ఏప్రిల్ 16న పెళ్లికి సిద్ధమైన సంగతి తెలిసిందే. ఈ పెళ్లి మీద కూడా కరోనా ప్రభావం చూపుతోంది. కరోనా వల్ల పెళ్లి వాయిదా పడలేదు. అనుకున్న ముహూర్తానికి జరుగుతుంది. అయితే... పెళ్లి వేదిక మారే అవకాశాలు కనిపిస్తున్నాయి. నిజానికి, దుబాయ్ లో అతి కొద్ది మంది సన్నిహితులు, కుటుంబ సభ్యుల మధ్య డెస్టినేషన్ వెడ్డింగ్ చేసుకోవాలని నితిన్ ప్లాన్ చేశారు. కరోనా కారణంగా దుబాయ్ వెళ్లడం అంత శ్రేయస్కరమా? కాదా? అనే సందేహాలు వ్యక్తమవుతున్నాయి. పైగా, దుబాయ్ ఎయిర్ పోర్టులో మెడికల్ చెకప్ పేరుతో చాలా సమయం వృధా అవుతోంది. ఇవన్నీ పక్కన పెడితే... ప్రపంచంలోనే అతిపెద్ద ఎయిర్ పోర్ట్ జంక్షన్ దుబాయ్. వివిధ దేశాలకు వెళ్లాల్సిన ప్రయాణికులు దుబాయ్ ఎయిర్ పోర్టులోనే ఫ్లైట్స్ మారుతారు. పెళ్లి కోసం అక్కడికి వెళ్లి ప్రాణాల మీదకు తెచ్చుకోవడం ఎందుకని పెళ్లి వేదికను మార్చాలని అనుకుంటున్నారట. త్వరలో నితిన్ పెళ్లి ఎక్కడ జరుగుతుంది అనే విషయం లో క్లారిటీ వస్తుంది.
Also You May Like
.jpg)
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
