'సర్కస్ కార్-2'కి ప్రత్యేక ఆకర్షణగా అషు రెడ్డి గ్లామర్!
on Nov 29, 2021
బిగ్ బాస్ ఫేమ్ ఆషు రెడ్డి, మస్త్ అలీ ముఖ్య తారాగణంగా రూపొందుతోన్న సినిమా 'సర్కస్ కార్-2'. ప్రెస్టేజ్ ఫ్రేమ్స్ పతాకంపై శివరాజు వి.కె నిరిస్తున్న ఈ సినిమాకి నల్లబిల్లి వెంకటేష్ దర్శకత్వం వహిస్తున్నారు. తాజాగా విడుదలైన ఈ మూవీ పోస్టర్ ఆకట్టుకుంటోంది.
'సర్కస్ కార్-2' ప్రస్తుతం తూర్పు గోదావరిలోని మారేడుమిల్లి అడవుల్లో షూటింగ్ జరుపుకుంటోంది. "ఒక రోజు తెల్లారేసరికి ఆ ఊరి పొలిమేరల్లో ఓ కారు కనిపిస్తుంది. ఎన్ని రోజులు గడిచినా ఆ కారు సొంతదారు ఎవరో తెలియదు. ఆ ఊరివారిని సదరు కారు ముప్పుతిప్పలు పెడుతుంటుంది. ఆ కారును ఆశ్రయించి ఉన్న అతీంద్రియ శక్తుల నుంచి తమను తాము కాపాడుకోవడానికి ఆ ఊరి వాళ్ళు ఏం చేశారు? ఎన్ని పాట్లు పడ్డారు? వంటి ఆసక్తికర కథ-కథనాలతో ఈ సినిమా రూపొందుతోంది" అని మూవీ టీమ్ తెలిపింది.
ప్రెస్టేజ్ ఫ్రేమ్స్ అధినేత శివరాజు మాట్లాడుతూ.. "సర్కస్ కార్ సాధించిన ఘన విజయం ఇచ్చిన ప్రోత్సాహంతో మా డైరెక్టర్ నల్లబిల్లి వెంకటేష్.. ఈ సీక్వెల్ ను మరింత ఆసక్తిగా తెరకెక్కిస్తున్నారు. దెయ్యాలను ప్రత్యక్షంగా చూడాలని ఆ ఊరి పిల్లలు చేసే ప్రయత్నాలు.. వాటి పరిణామాలు పొట్టలు చెక్కలు చేస్తాయి. భయంతో కూడిన వినోదాన్ని పంచే 'సర్కస్ కార్-2' మా దర్శకుడు నల్లబిల్లి వెంకటేష్ కి మరింత మంచి పేరు తెస్తుంది. పిల్లల నటన, అషు రెడ్డి గ్లామర్ 'సర్కస్ కార్-2'కి ప్రత్యేక ఆకర్షణలుగా నిలుస్తాయి" అన్నారు.
.webp)
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
