సరిలేరు అనిల్ రావిపూడికెవరూ..!
on Sep 26, 2019
ఇవాళ ఒక డైరెక్టర్ని చూసి చాలామంది డైరెక్టర్లు అసూయ చెందుతున్నారు. ఎందుకంటే.. అతను నాలుగంటే నాలుగు సినిమాలతో టాలీవుడ్‌లోని టాప్ డైరెక్టర్లలో ఒకడైపోయాయాడు! అంతకంటే ఎక్కువగా.. అత్యంత డిమాండ్ ఉన్న డైరెక్టర్ అయ్యాడు!! ఆ డైరెక్టర్ అనిల్ రావిపూడి!!
తన ఐదో సినిమాను సూపర్ స్టార్ మహేశ్‌తో చేస్తున్నాడంటేనే.. అతను ఏ స్థాయికి ఎదిగాడో అర్థం చేసుకోవచ్చు. పైగా మరో టాప్ డైరెక్టర్ సుకుమార్‌తో చేయాలనుకున్న ప్రాజెక్టును పక్కనపెట్టి మరీ మహేశ్ అతనితో చేస్తున్నాడంటే.. తన స్క్రిప్ట్‌తో అనిల్ ఎంతగా మెప్పించాడో ఊహించుకోవచ్చు. 'సరిలేరు నీకెవ్వరు' మూవీలో మేజర్ అజయ్ కృష్ణగా మహేశ్‌ను చూపిస్తున్నాడు అనిల్. మహేశ్ ఆర్మీ మేజర్‌గా కనిపించినా, ఇది సీరియస్ సబ్జెక్ట్ కాదు. తనదైన శైలి ఎంటర్‌టైనర్‌గా ఈ మూవీని అనిల్ తీర్చిదిద్దుతున్నాడు. 2020 సంక్రాంతికి వస్తున్న 'సరిలేరు నీకెవ్వరు' సూపర్ హిట్ కావడం గ్యారంటీ అనే అభిప్రాయానికి ఫిలింనగర్ వాసులు ఇప్పటికే వచ్చేశారు. అంత నమ్మకాన్ని ప్రేక్షకుల్లో సంపాదించుకున్నాడు అనిల్.
అనిల్‌ను డైరెక్టర్‌గా పరిచయం చేస్తూ కళ్యాణ్ రామ్ 'పటాస్' సినిమా చేసున్న సమయంలో ఆ మూవీని సీరియస్‌గా తీసుకున్నవాళ్లు చాలా తక్కువమందే. కారణం.. ఆ సినిమా ముందు కళ్యాణ్ రామ్ ట్రాక్ రికార్డ్. వరుస ఫ్లాపులతో సతమతమవుతున్న అతని కెరీర్ ముందుకు సాగడం కష్టమే.. అనుకున్న టైంలో రిలీజయ్యింది 'పటాస్'. అందరి అంచనాల్ని తారుమారుచేస్తూ.. ఆ సినిమాకు సంబంధించిన వాళ్లంతా ఆనందంతో పటాసులు కాల్చుకొనేలా చేసింది ఆ సినిమా. అప్పటి దాకా కొన్ని సినిమాలకు రైటర్‌గా పనిచేసిన అనిల్ రావిపూడి అనే యువకుడు.. తొలి సినిమాతోటే హిట్ కొట్టిన డైరెక్టర్‌గా ప్రశంసలు పొందాడు.
అనిల్ విజయ పరంపర 'పటాస్'తో ఆగలేదు. సాయి ధరం తేజ్‌కు 'సుప్రీమ్' అనే హిట్‌ను అందించి, వరుస ఫ్లాపుల్లో ఉన్న రవితేజను 'రాజా.. ది గ్రేట్'తో గట్టెక్కించాడు. ఇక తన నాలుగో సినిమాను వెంకటేశ్, వరుణ్ తేజ్ కాంబినేషన్‌తో 'ఎఫ్2'గా తీసి, ఏ స్థాయి హిట్‌ను సాధించాడో మనం చూశాం.
ఇప్పుడు 'సరిలేరు నీకెవ్వరు' సినిమా తర్వాత అనిల్ ఎవరితో సినిమా చేస్తాడనే ఆసక్తి అందరిలోనూ వ్యక్తమవుతుండగా, మరోసారి దిల్ రాజు బేనర్‌లో సినిమా చేయడానికి అతను కమిట్ అయిపోయాడు. అయితే అది తెలుగు సినిమా కాదనీ, హిందీ సినిమా అనీ ఇన్‌సైడర్స్ చెబుతున్న మాట. అవును. 'సరిలేరు నీకెవ్వరు' మూవీ తర్వాత అనిల్ బాలీవుడ్‌లోకి అడుగుపెట్టనున్నాడు. సంక్రాంతికి రిలీజై, 2019 ఫస్ట్ బ్లాక్‌బస్టర్ హిట్‌గా నిలిచిన 'ఎఫ్2' మూవీని హిందీలో రీమేక్ చెయ్యాలని దిల్ రాజు సంకల్పించారు. ఆ మూవీ డైరెక్షన్ బాధ్యతల్ని అనిల్‌కే దిల్ రాజు అప్పగించినట్లు సమాచారం.
అదే కాదు, అనిల్‌తో రాజు మరో సినిమా డీల్‌ను కూడా కుదుర్చుకున్నారని తెలుస్తోంది. అది 'ఎఫ్2'కు సీక్వెల్ కావడం విశేషం. ఇప్పటికే ఆ సీక్వెల్ ప్లాన్స్ ఉన్నాయని రాజు చెప్పారు కూడా. 'ఎఫ్2' రీమేక్ తర్వాత అనిల్ ఈ సీక్వెల్ చేస్తాడా, మరికొంత సమయం తీసుకుంటాడా.. అనే విషయంలో క్లారిటీ రావాల్సి ఉంది. ఏదేమైనా అతి తక్కువ కాలంలోనే అనిల్ రావిపూడి లైఫ్ కంప్లీట్‌గా మారిపోయింది. తంతే బూరెల గంపలో పడ్డట్టు పెద్ద పెద్ద సినిమాలతో, భారీ రెమ్యూనరేషన్ ఆఫర్లతో అగ్ర దర్శకుల జాబితాలో చేరిపోయాడు.
.jpg)
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
