బాబోయ్.. రెమ్యూనరేషన్ పెంచేసిన బేబీ..!
on Apr 1, 2025
"దీపం ఉండగానే ఇల్లు చక్కబెట్టుకోవాలి" అంటారు. ఈ సామెతను సినీ స్టార్స్ ఎక్కువగా ఫాలో అవుతుంటారు. ఫేమ్ ఉన్నప్పుడే భారీ రెమ్యూనరేషన్స్ తీసుకొని, బాగా సంపాదించుకుంటూ ఉంటారు. ముఖ్యంగా హీరోయిన్లు దీనిని ఫాలో అవ్వాలి. ఎందుకంటే వాళ్ళ క్రేజ్ కొన్నేళ్ళకే పరిమితమవుతుంది. అందుకే క్రేజ్ ఉన్నపుడే క్యాష్ చేసుకోవాలి. ఇప్పుడు యంగ్ హీరోయిన్ వైష్ణవి చైతన్య కూడా ఇదే ఫార్ములాను ఫాలో అవుతున్నట్లు తెలుస్తోంది. (Vaishnavi Chaitanya)
యూట్యూబ్ లో షార్ట్ ఫిలిమ్స్, వెబ్ సిరీస్ లు చేస్తూ యూత్ కి చేరువైన వైష్ణవి చైతన్య.. మొదట చిన్న చిన్న పాత్రలతో సినీ ప్రయాణాన్ని మొదలుపెట్టింది. ఆ తర్వాత 'బేబీ'తో హీరోయిన్ గా పరిచయమైన వైష్ణవి.. మొదటి సినిమాతోనే ఘన విజయాన్ని ఖాతాలో వేసుకోవడమే కాకుండా, నటిగానూ మంచి మార్కులు కొట్టేసింది. దీంతో ఆమెకు అవకాశాలు క్యూ కట్టాయి.
సిద్ధు జొన్నలగడ్డ సరసన 'జాక్' మూవీ చేస్తోంది వైష్ణవి. బొమ్మరిల్లు భాస్కర్ దర్శకత్వంలో SVCC బ్యానర్ నిర్మిస్తున్న ఈ చిత్రం ఏప్రిల్ 10న ప్రేక్షకుల ముందుకు రానుంది. అలాగే ఆనంద్ దేవరకొండకు జోడిగా సితార బ్యానర్ లో ఓ సినిమా చేస్తోంది. వీటితో పాటు మరికొన్ని ప్రాజెక్ట్ లు లైన్ లో ఉన్నాయి. త్వరలో విడుదల కానున్న 'జాక్' హిట్ అయితే.. మరిన్ని అవకాశాలు క్యూ కట్టే అవకాశం కనిపిస్తోంది. ఈ సినిమాపై ఫుల్ కాన్ఫిడెంట్ గా ఉన్న వైష్ణవి.. ఇప్పటికే రెమ్యూనరేషన్ కూడా పెంచినట్లు టాక్. ప్రస్తుతం వైష్ణవి ఒక్కో సినిమాకి కోటి రూపాయల దాకా రెమ్యూనరేషన్ డిమాండ్ చేస్తుందట. ఆ మొత్తం ఇవ్వడానికి నిర్మాతలు కూడా ఏమాత్రం వెనకాడట్లేదని సమాచారం.
ప్రజెంట్ టాలీవుడ్ లో హీరోయిన్ల కొరత ఉంది. అదే ఇప్పుడు వైష్ణవి పాలిట వరంలా మారే అవకాశముంది. వైష్ణవి తెలుగమ్మాయి, పైగా మంచి నటి. యూత్ లోనూ బాగానే క్రేజ్ ఉంది. మరోవైపు, ఇతర భాషల హీరోయిన్లు కూడా భారీ పారితోషికం డిమాండ్ చేస్తున్నారు. పైగా వారికి ట్రావెలింగ్, అకామిడేషన్ ఖర్చులు అదనం. ఆ లెక్కలన్నీ వేసుకుంటే వైష్ణవిని తీసుకోవడమే బెటర్ అనే ఆలోచనలో నిర్మాతలు ఉన్నారట. పైగా ఆమె మరో రెండు హిట్లు అందుకుందంటే.. క్రేజ్ అమాంతం పెరిగే అవకాశముంది. అదే జరిగితే మీడియం రేంజ్ హీరోలకు వైష్ణవి బెస్ట్ ఆప్షన్ అవుతుంది అనడంలో సందేహం లేదు.
.webp)
.webp)
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
