"శకుని" ఆడియో రిలీజ్
on Jun 8, 2012
"శకుని" చిత్రాన్ని, కార్తీ, ప్రణీత జంటగా నటించగా, తమిళంలో స్టుడియో గ్రీన్ పతాకంపై, జ్ఞానవేల్ నిర్మిస్తూండగా, తెలుగులో శ్రీ సాయి గణేష్ ప్రొడక్షన్స్ పతాకంపై బెల్లంకొండ విడుదల చేస్తున్నారు. ఈ "శకుని" చిత్రానికి ఎ.ఆర్. రెహమాన్ మేనల్లుడు జి.వి.ప్రకాష్ సంగీతం అందించారు. జూన్ 8 వ తేదీన, హైదరాబాద్ ప్రసాద్ ల్యాబ్ లో ఉదయం 7.30 గంటలకు ప్రముఖ హీరో విక్టరీ వెంకటేష్, ప్రముఖ దర్శకుడు వి.వి.వినాయక్ ల చేతుల మీదుగా ఈ చిత్రం ఆడియో రిలీజయ్యింది.
ఈ ఆడియో విడుదల కార్యక్రమానికి ప్రముఖ నటులు కోట శ్రీనివాసరావుతో పాటు, ఈ చిత్ర హీరో, హీరోయిన్లు, పాటల రచయిత సాహితి, తమిళ, తెలుగు వెరషన్ల నిర్మాతలు హాజరయ్యారు. ఈ సందర్భంగా ఆహూతులందరూ ఈ చిత్రం ఆడియో అలాగే ఈ "శకుని" చిత్రం కూడా ఘనవిజయం సాధించాలని ఆశించారు. హీరో కార్టీ ప్రసంగిస్తూ ఇది ఒక పూర్తి వినోదాత్మక చిత్రమని అన్నారు. నిర్మాత బెల్లంకొండ సురేష్ మాట్లాడుతూ ఈ "శకుని" చిత్రాన్ని 450 థియేటర్లలో జూన్ 22 వ తేదీన విడుదల చేయనున్నామని తెలియజేశారు.