రౌడీ బేబీతో అక్కినేని హీరో రొమాన్స్!!

on Jun 20, 2019

`ఫిదా` వంటి బ్లాక్ బ‌స్ట‌ర్ సినిమా త‌ర్వాత శేఖ‌ర్ క‌మ్ముల ద‌ర్శ‌క‌త్వంలో ఏషియ‌న్ పిక్చ‌ర్స్ ప‌తాకంపై సునీల్ నారంగ్ నిర్మాత‌గా ఓ చిత్రం రూపొందుతోన్న సంగ‌తి తెలిసిందే. అయితే ఈ సినిమాలో హీరో హీరోయిన్స్ ఎవ‌ర‌న్న‌ది ఇన్ని స‌స్సెన్స్ గా ఉంది. అయితే ఈ రోజు ఆ స‌స్పెన్స్ వీడింది. ఇందులో నాగ చైత‌న్య హీరోగా, సాయి ప‌ల్ల‌వి హీరోయిన్ గా న‌టిస్తోంది. ఈ విష‌యాన్ని ఈ రోజు చిత్ర నిర్మాత‌లు అధికారికంగా ప్ర‌క‌టించారు. ఓ విభిన్న‌మైన కాన్సెప్ట్ తో శేఖ‌ర్ క‌మ్ముల ఈ క‌థ‌ను రెడీ చేసిన‌ట్లు తెలుస్తోంది. రెగ్యుల‌ర్ షూటింగ్ సెప్టెంబ‌ర్ ఫ‌స్ట్ వీక్ లో ప్రారంభించ‌నున్నారు. ఈ ఇయ‌ర్ ఎండింగ్ లో సినిమాను రిలీజ్ చేయ‌డానికి ప్లాన్ చేస్తున్నారు. శేఖ‌ర్ క‌మ్ముల ద‌ర్శ‌క‌త్వంలో నాగ చైత‌న్య తొలిసారి న‌టిస్తుండ‌గా, సాయి ప‌ల్ల‌వి ఫిదా త‌ర్వాత న‌టిస్తోన్న రెండో సినిమా.