నిర్మాతగా అక్కినేని నాగచైతన్య...
on May 5, 2020
ఏయన్నార్ కథానాయకుడు మాత్రమే కాదు... నిర్మాత కూడా! ఆయన అడుగుజాడల్లో కథానాయకుడిగా ఇండస్ట్రీలోకి వచ్చిన నాగార్జున కూడా తర్వాత నిర్మాతగా మారారు. ఇప్పుడు అక్కినేని నాగచైతన్య కూడా తాతయ్య, తండ్రి అడుగుజాడల్లో నడుస్తూ నిర్మాతగా మారుతున్నారని సమాచారం. రాజ్ తరుణ్ హీరోగా నాగచైతన్య ఒక సినిమా నిర్మించనున్నారని కృష్ణానగర్ ఖబర్.
అన్నపూర్ణ స్టూడియోస్లో రాజ్ తరుణ్ రెండు సినిమాలు చేశారు. అతడు హీరోగా పరిచయమైన 'ఉయ్యాల జంపాల' విజయం సాధించగా... 'రంగుల రాట్నం' పరాజయం పాలైంది. ఈసారి రాజ్ తరుణ్ హీరోగా అతడి స్నేహితుడు శ్రీనివాస్ గవిరెడ్డి దర్శకత్వంలో చైతూ సినిమా చేస్తున్నాడట. ఆల్రెడీ స్క్రిప్ట్ విన్నాడని, చైతూకి బాగా నచ్చిందని సమాచారం. మరి, అన్నపూర్ణ స్టూడియోస్ బ్యానర్ మీద ఈ సినిమా నిర్మిస్తారో, కొత్త బ్యానర్ పెడతారో చూడాలి. ఇంతకు ముందు రాజ్ తరుణ్, శ్రీనివాస్ గవిరెడ్డి కాంబినేషన్లో 'సీతమ్మ అందాలు రామయ్య సిత్రాలు' సినిమా వచ్చింది.
నాగచైతన్యకు ప్రొడక్షన్ పనులు చూసుకోవడం కొత్తేమీ కాదు. సొంత ప్రొడక్షన్ హౌస్ అన్నపూర్ణ స్టూడియోస్లో హీరోగా సినిమాలు చేసినప్పుడు ప్రొడక్షన్ పనులు చూసుకున్నాడు. 'ఒక లైలా కోసం', 'రారండోయ్ వేడుక చూద్దాం' సినిమాలకు ప్రొడక్షన్ పనులు కూడా చూసుకున్నారని నాగార్జున చెప్పారు.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
