బాబోయ్ లక్ష్మి సినిమా!
on Jul 19, 2018
‘తాను ఏ సినిమా చేసినా కూడా అందులో కొత్తదనం ఏదో ఉండే ఉంటుందని ప్రేక్షకులు భావిస్తున్నారని’ అంటున్నారు మంచు లక్ష్మి. త్వరలోనే ‘వైఫ్ ఆఫ్‌ రామ్‌’ సినిమాతో రానున్న లక్ష్మి, ఆ సినిమా గురించి ఓ పత్రికతో మాట్లాడుతూ ఈ వ్యాఖ్యలు చేశారు. పీపుల్‌ మీడియా ఫ్యాక్టరీ బ్యానర్ మీద విజయ్ పులికంటి ఈ సినిమాకు దర్శకత్వం వహిస్తున్నారు. లక్ష్మితో పాటుగా ఈ సినిమాలో ప్రియదర్శి, ఆదర్శ్‌ బాలకృష్ణ నటిస్తున్నారు. రేపు విడుదల కానున్న ఈ సినిమాని ఎలాగొలా విజయవంతం చేయాలని లక్ష్మి పట్టుదలగా ఉన్నారు. దానికి సంబంధించిన ప్రచార కార్యక్రమాల్లో చురుగ్గా పాల్గొంటున్నారు. పలు పత్రికలకు ఇంటర్వ్యూలూ ఇస్తున్నారు. అలాంటి ఓ ముఖాముఖిలో ‘తను ఎంచుకునే సినిమాల్లో వైవిధ్యం ఉంటుంది కాబట్టే ‘బాబోయ్ లక్ష్మి సినిమా’ అని ఎవరూ అనుకోవడం లేదని’ చెప్పుకొచ్చారు లక్ష్మి. కానీ అదేం విచిత్రమో- ఎన్ని సినిమాలు చేసినా కూడా లక్ష్మికి ఇంకా బ్రేక్‌ రానేలేదు. మరి ప్రేక్షకులు నిజంగానే ‘బాబోయ్ లక్ష్మి సినిమా’ అనుకుంటున్నారో లేదో రేపు తేలిపోతుంది!
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
