ప్రభాస్‌తో కత్రీనా కైఫ్?
on Mar 10, 2020
తెలుగు ప్రేక్షకులకు కత్రీనా కైఫ్ కొత్తేమీ కాదు. తెలుగులో ఆల్రెడీ రెండు సినిమాలు చేసింది. వెంకటేష్ సరసన 'మల్లీశ్వరి'లో, నందమూరి బాలకృష్ణ సరసన 'అల్లరి పిడుగు' సినిమాల్లో నటించింది. అయితే అదంతా గతం. హిందీలో ఆమెకు అంతగా పేరు రాని సమయంలో చేసింది. బాలీవుడ్ స్టార్ అయ్యాక తెలుగు వైపు చూడలేదు. మళ్ళీ ఇన్నాళ్ళకు కత్రీనాను తెలుగులోకి తీసుకురావడానికి ప్రభాస్ ప్రయత్నాలు చేస్తున్నాడని ఫిలింనగర్ టాక్.
ప్రస్తుతం యువి క్రియేషన్స్, గోపికృష్ణ మూవీస్ సంయుక్తంగా నిర్మిస్తున్న సినిమాలో ప్రభాస్ హీరోగా నటిస్తున్నాడు. 'జిల్' ఫేమ్ రాధాకృష్ణ కుమార్ దర్శకత్వం వహిస్తున్న ఈ సినిమాలో పూజ హెగ్డే హీరోయిన్. దీని తర్వాత 'మహానటి' ఫేమ్ నాగఅశ్విన్ దర్శకత్వంలో సినిమా చేయనున్న సంగతి తెలిసిందే. ఆ సినిమాలో హీరోయిన్‌గా కత్రీనా కైఫ్ నటిస్తే బావుంటుందని దర్శక, నిర్మాతల ఆలోచన. ఆమెతో డిస్కస్ చేస్తున్నారట. నిజానికి, 'సాహో'లో కత్రీనాను హీరోయిన్‌గా తీసుకోవాలని ప్రయత్నించారు. కానీ, కుదరలేదు. ఆల్మోస్ట్ ఆమె సినిమాకు సంతకం చేసిందన్నారు. లాస్ట్ మినిట్ లో మిస్ అయింది. ఇప్పుడు కుదురుతుందో? లేదో? చూడాలి. 'బాహుబలి', 'సాహో'లో హిందీలోనూ ప్రభాస్ కి స్టార్ స్టేటస్ వచ్చింది. బాలీవుడ్ హీరోయిన్లు అతడితో నటించడానికి ఆసక్తి చూపిస్తున్నారు.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
