చలిలో... చీరలో... మెహరీన్‌ కష్టాలు
on Sep 3, 2019
మంచు కొండల్లో మంచిగా చీర కట్టుకుని హీరోయిన్లు డ్యాన్సులు చేస్తుంటే చూడటానికి చాలా బావుంటుంది. కానీ, అంత చలిలో చీరలో డ్యాన్సు చేయడానికి హీరోయిన్లకు ఎంతో ఇబ్బందిగా ఉంటుంది. ఓ పక్క చలిని తట్టుకుంటూ... మరో పక్క ముఖంలో ఆ ఫీలింగ్‌ కనిపించకుండా రొమాంటిక్‌ ఎక్స్‌ప్రెషన్లు ఇవ్వడం అంత తేలికేం కాదు. ఆ కష్టం ఎలా ఉంటుంది మెహరీన్‌కు ఈ రెండు రోజుల్లో తెలిసొచ్చింది. గోపీచంద్‌ పక్కన ఈ అమ్మాయి హీరోయిన్‌గా నటిస్తున్న ‘చాణక్య’ షూటింగ్‌ ప్రజెంట్‌ ఇటలీలో జరుగుతుంది. సముద్రమట్టానికి మూడు వేల అడుగుల ఎత్తులో మంచు కొండలపై రీసెంట్‌గా సాంగ్‌ షూట్‌ చేశారు. అందులో మెహరీన్‌ చీరలో కనిపిస్తుంది. రోప్‌ వే ద్వారా కొండపైకి వెళ్లి చీరలో సాంగ్‌ షూటింగ్‌ కంప్లీట్‌ చేసుకుని తిరిగొచ్చేసరికి చాలా కష్డపడ్డానని టీమ్‌ మెంబర్స్‌తో మెహరీన్‌ చెప్పిందట. స్పై థ్రిల్లర్‌గా తెరకెక్కుతున్న ‘చాణక్య’లో హీరోయిన్‌ రోల్‌కు ఇంపార్టెన్స్‌ ఉందట. దసరాకు ఈ సినిమాను విడుదల చేస్తామని ఈ రోజు ప్రొడ్యూసర్స్‌ అనౌన్స్‌ చేశారు.
Also Read
.jpg)
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
