జూన్ 12న అమలా పెళ్లి
on Apr 9, 2014
హీరోయిన్ అమలాపాల్, దర్శకుడు ఎఎల్ విజయ్ గతకొంత కాలంగా ప్రేమలో మునిగితేలుతున్నారని కోలీవుడ్ లో వార్తలు వస్తున్నాయి. అయితే అలాంటిదేమీ లేదంటూ ఈ జంట తప్పించుకున్నారు. కానీ ఇపుడు మాత్రం పెళ్ళికి సిద్ధమయ్యారు. "నాన్న", "అన్న" చిత్రాలతో దర్శకుడిగా మంచి పేరు సంపాదించుకున్న దర్శకుడు ఎఎల్ విజయ్ అందరికి సుపరిచితుడే. అలాగే అమలాపాల్ గురించి తెలియనివారుండరు. వీరిద్దరూ జూన్ 12న వివాహం చేసుకోబోతున్నట్లు తెలిసింది. ఈ విషయంపై అమలా స్పందిస్తూ..."ప్రస్తుతం విజయ్ అమెరికాలో ఉన్నారు. చెన్నైకి తిరిగొచ్చాక పూర్తి వివరాలను అధికారికంగా ప్రకటిస్తాను" అని చెప్పుకొచ్చింది. అంటే త్వరలోనే ఈ ప్రేమజంట సాంబార్, రైస్ పెట్టబోతున్నారన్నమాట.