Kudumbasthan movie review: కుటుంబస్థాన్ మూవీ రివ్యూ
on Mar 13, 2025
మూవీ: కుటుంబస్థాన్
నటీనటులు: మణికందన్, శాన్వీ మేఘన, ఆర్. సుందరరాజన్, ఆదన్ కుమార్, గురు సోమసుందరం తదితరులు
ఎడిటింగ్: కన్నన్ బాలు
మ్యూజిక్: వైశాక్
సినిమాటోగ్రఫీ: సుజిత్ సుబ్రహ్మణ్యం
నిర్మాతలు: ఎస్. వినోత్ కుమార్
దర్శకత్వం: రాజేశ్వర్ కలిసామి
ఓటీటీ: జీ5
కథ:
నవీన్(మణికందన్) ఓ యాడ్ ఏజెన్సీలో డిజైనర్ గా ఉద్యోగం చేస్తుంటాడు. అదేసమయంలో అతను వెన్నెల(శాన్వీ మేఘన)ని ప్రేమిస్తాడు. ఇక నవీన్ అమ్మ సుబ్బలక్ష్మి, నాన్న మూర్తితో కలిసి ఒక ఇంట్లో ఉంటారు. నాన్న మూర్తి రియల్ ఎస్టేట్ లో చేసి ఖాళీగా ఉంటాడు. నవీన్, వెన్నెల రిజిస్టర్ మ్యారేజ్ చేసుకుంటారు. అయితే వెన్నెలది తక్కువ కులం కాబట్టి నవీన్ ఫ్యామిలీ వారి ప్రేమ పెళ్ళిని అంగీకరించదు. మరోవైపు నవీన్ బావ రాజేంద్రన్ తనని తక్కువ చూపు చూస్తాడు. దానిని నవీన్ సహించలేకపోతాడు. తన బావ కన్నా ఉన్నతంగా ఉండాలని అప్పు చేసి మరి బైక్, కారు తీసుకుంటాడు. మరోవైపు తన భార్యని సివిల్స్ కి ప్రిపేర్ చేపిస్తుంటాడు. అదే సమయంలో నవీన్ జాబ్ పోతుంది. ఇక జాబ్ పోయిందని ఇంట్లో చెప్పుండా నవీన్ అప్పు చేస్తాడు. అది కాస్తా మూడు లక్షలు అవుతుంది. మరి నవీన్ కు అప్పు ఇచ్చినవాళ్ళంతా ఒకేసారి మీదకి వస్తారు.. అప్పుడు నవీన్ ఏం చేశాడు? అప్పుల బారి నుండి బయటకు వచ్చాడా లేదా అనేది మిగతా కథ.
విశ్లేషణ:
ఈ కథ ఓ మిడిల్ క్లాస్ ఉద్యోగిది. సింపుల్ పాయింట్ తీసుకొని కామెడీని టచ్ చేస్తూ చివరివరకు ఎంటర్టైన్మెంట్ అందించడంలో కుటుంబస్థాన్ (Kudumbasthan review) విజయం సాధించింది. ఆత్మాభిమానంతో ఉండే నవీన్ ఆఫీస్ లో తప్పు చేయకపోయినా క్షమాపణ చెప్పే సిచువేషన్ రావడంతో దానికి అంగీకరించకపోవడంతో అతని జాబ్ పోతుంది. ఇక అక్కడి నుండి ఇల్లు గడవడం కష్టమవుతుంది. దాంతో అతను ఇతర లోన్ ఆప్ లని నమ్ముకోవడం.. ఆ లోన్ క్లియర్ చేయడం కోసం మరోచోట అప్పు చేయడం. ఇదంతా అతనికి తలకి మించిన భారం అవుతుంది.
ఒక మిడిల్ క్లాస్ వ్యక్తి తనకి వచ్చే జీతం సరిపోకపోవడంతో ఫ్యామిలీ కోసం తన ఆత్మాభిమానం చంపుకొని ఒక మిషన్ లాగా పనిచేయడం అనే ముఖ్యమైన పాయింట్ ని అంతర్లీనంగా చెప్పాడు దర్శకుడు. అప్పులు చేయడం వాటిని తీర్చడం చుట్టూ కథ సాగుతున్నప్పటికీ కథని డైవర్ట్ చేయకుండా చక్కని ముగింపు ఇచ్చారు మేకర్స్.
కొడుకు అప్పులు చేస్తే ఇంట్లో అమ్మానాన్నలు ఎలా రియాక్ట్ అవుతారో చెప్తూనే , ఉద్యోగం చేయకుంటే భార్య భర్తని ఎలా చూస్తుందో చూపించాడు దర్శకుడు. డబ్బు లేకపోతే, డబ్బు సంపాదించకపోతే రెస్పెక్ట్ ఉండదని, విలువ ఇవ్వరని నవీన్ చెప్పే డైలాగ్స్ మెప్పిస్తాయి. కొడుకు అన్నం తింటుంటే తల్లి ఆ ప్లేట్ ని లాక్కొని వెళ్తూ.. తిండి ఎలా వంటబడుతుందిరా అని చెప్పడం కాస్త తీవ్రంగా ఉంటుంది. అయితే ప్రపంచంలో ఏ తల్లి అయిన తన కొడుకు కడుపునిండా తినాలని చూస్తుంది కానీ ఇందులో దానికి భిన్నంగా చూపించారు. అటు ఆఫీస్ లో ఇటు ఇంట్లో సమస్యలతో ఉన్నప్పుడు ఆ వ్యక్తి ఏం చేస్తాడు.. అతని లైఫ్ ఎలా మలుపు తిరిగిందనేది తెలియాలంటే ఈ సినిమా చూడాల్సిందే.
ఈ సినిమాలో అడల్ట్ సీన్లు లేవు. అసభ్య పదజాలం వాడలేదు. మన చుట్టూ ఉండేవారు.. మనం ఏం చేసినా ఏదో ఒక వంకపెట్టడం కోసం ఎప్పుడూ ఎదురుచూస్తూనే ఉంటారనే మెసెజ్ ని కూడా చూపించారు మేకర్స్. తెలుగు డబ్బింగ్ బాగుంది. పాటలు తమిళంలోనే ఉన్నాయి. కన్నన్ బాలు ఎడిటింగ్ నీట్ గా ఉంది. వైశాక్ మ్యూజిక్ బాగుంది. సుజిత్ సుబ్రహ్మణ్యం సినిమాటోగ్రఫీ ఆకట్టుకుంది. నిర్మాణ విలువలు బాగున్నాయి.
నటీనటుల పనితీరు:
నవీన్ గా మణికందన్ , వెన్నెలగా శాన్వీ మేఘన, రాజేంద్రన్ గా గురు సోమసుందరం సినిమాకి ప్రధాన బలంగా నిలిచారు. ఇక మిగతా వారు వారి పాత్రలకి పూర్తి న్యాయం చేశారు.
ఫైనల్ గా : డీసెంట్ కామెడీ ఎంటర్ టైనర్‌. ఫీల్ గుడ్ ఫ్యామిలీ స్టోరీ.
రేటింగ్: 3/5
✍️. దాసరి మల్లేష్
.webp)
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
