2005లో విడుద‌లైన `సూప‌ర్` చిత్రంతో క‌థానాయిక‌గా తెరంగేట్రం చేశారు లేడీ సూప‌ర్ స్టార్ అనుష్క‌. `విక్ర‌మార్కుడు` (2006)తో తొలి హిట్ అందుకుని..  ఆపై `అరుంధ‌తి` (2009)తో స్టార్ డ‌మ్ చూసిన స్వీటీ.. `బాహుబ‌లి` సిరీస్ తో జాతీయ స్థాయిలో న‌టిగా గుర్తింపు పొందారు. చిత్రమేమిటంటే.. `బాహుబ‌లి - ది కంక్లూజ‌న్` (2017) ముందు వ‌ర‌కు ఏడాదికి క‌నీసం రెండు లేదా అంత‌కుమించి చిత్రాల‌తో ప‌ల‌క‌రిస్తూ వ‌చ్చిన అనుష్క‌.. ఆ త‌రువాత మాత్రం ఏడాదికో సినిమాతో స‌రిపెడుతున్నారు.

2018లో `భాగ‌మ‌తి`తో ప‌ల‌క‌రించిన స్వీటీ.. 2019లో `సైరా.. న‌ర‌సింహారెడ్డి` (అతిథి పాత్ర‌)తోనూ, 2020లో `నిశ్శ‌బ్దం`తోనూ సంద‌డి చేశారు.

క‌ట్ చేస్తే.. 2021 స్వీటీకి జీరో రిలీజ్ ఇయ‌ర్ కానుంద‌ని స‌మాచారం. ఎందుకంటే.. ఆమె కొత్త చిత్ర‌మేది ఇంకా సెట్స్ పైకి వెళ్ళ‌లేదు. యంగ్ హీరో న‌వీన్ పోలిశెట్టితో క‌లిసి అనుష్క న‌టించాల్సిన మ‌హేశ్. పి డైరెక్టోరియ‌ల్ మే నుంచి పట్టాలెక్కాల్సి ఉండ‌గా.. క‌రోనా సెకండ్ వేవ్ ఉదృతి కార‌ణంగా అది కాస్త‌ ఆగ‌స్టుకి వాయిదా ప‌డింద‌ని టాక్. దీంతో.. 2021లో అనుష్క నుంచి సినిమా రాన‌ట్టేన‌ని తేలిపోయింది. మొత్త‌మ్మీద‌.. 2021 స్వీటీకి ఫ‌స్ట్ `జీరో రిలీజ్ ఇయ‌ర్` కాబోతోంద‌న్నమాట‌.