రీసెంట్ గా న‌టుడిగా ప‌దేళ్ళ కెరీర్ ని పూర్తిచేసుకున్నాడు టాలెంటెడ్ యాక్ట‌ర్ స‌త్య‌దేవ్. చిన్న చిన్న పాత్ర‌ల‌తో కెరీర్ ని ఆరంభించి.. ఆన‌క క‌థానాయ‌కుడిగా ట‌ర్న్ అయిన స‌త్య‌దేవ్.. గ‌త కొంత‌కాలంగా హీరోగా ఫుల్ బిజీ అయిపోయాడు. ప్ర‌స్తుతం స‌త్యదేవ్ చేతిలో మూడు సినిమాలు ఉన్నాయి. ఆ చిత్రాలే.. `తిమ్మ‌ర‌సు`, `గుర్తుందా శీతాకాలం`, `గాడ్సే`.  కాగా, వీటిలో ముందుగా `తిమ్మ‌ర‌సు` జ‌నం ముందుకు
రానుంది. వాస్త‌వానికి ఈ చిత్రాన్ని మే 21న థియేట‌ర్స్ లో విడుద‌ల చేయ‌బోతున్న‌ట్లు యూనిట్ ప్ర‌క‌టించింది.

లేటెస్ట్ బ‌జ్ ఏంటంటే.. క‌రోనా సెకండ్ వేవ్ ఉధృతి కార‌ణంగా `తిమ్మ‌ర‌సు`ని ముందుగా అనుకున్న‌ట్లు థియేట‌ర్స్ లో కాకుండా ఓటీటీలో రిలీజ్ చేయ‌బోతున్న‌ట్లు ప్ర‌చారం సాగుతోంది. అదే గ‌నుక నిజ‌మైతే..
స‌త్యదేవ్ కి ఇది ఐదో వ‌రుస ఓటీటీ రిలీజ్ అవుతుంది. గ‌త ఏడాది `47 డేస్` (జీ 5), `ఉమామ‌హేశ్వ‌ర ఉగ్ర‌రూప‌స్య‌` (నెట్ ఫ్లిక్స్), `గువ్వ గోరింక‌` (అమెజాన్ ప్రైమ్) చిత్రాల‌తో వేర్వేరు ఓటీటీ వేదిక‌ల్లో
ప‌ల‌క‌రించిన స‌త్య‌దేవ్.. ఈ ఏడాది ఆరంభంలో ఆంథాల‌జీ మూవీ `పిట్ట‌క‌థ‌లు` (నెట్ ఫ్లిక్స్)తో సంద‌డి చేశాడు. సో.. `తిమ్మ‌ర‌సు` స‌త్య‌దేవ్ కి ఐదో ఓటీటీ రిలీజ్ కానుంద‌న్న‌మాట‌.

`కిరాక్ పార్టీ` ఫేమ్ శ‌ర‌ణ్ కొప్పిశెట్టి డైరెక్ట్ చేసిన `తిమ్మ‌ర‌సు`లో `టాక్సీవాలా` ఫేమ్ ప్రియాంక జ‌వాల్క‌ర్ నాయిక‌గా న‌టించింది. త్వ‌ర‌లోనే `తిమ్మ‌ర‌సు` ఓటీటీ ప్లాట్ ఫామ్, స్ట్రీమింగ్ డేట్ పై క్లారిటీ వ‌చ్చే
అవ‌కాశ‌ముంది.