సూప‌ర్ స్టార్ మ‌హేశ్ బాబు, మాట‌ల మాంత్రికుడు త్రివిక్ర‌మ్ శ్రీ‌నివాస్ కాంబినేష‌న్ లో ముచ్చ‌టగా మూడో సినిమా రాబోతున్న సంగ‌తి తెలిసిందే. `అత‌డు`, `ఖలేజా` త‌రువాత ఈ ఇద్ద‌రి క‌ల‌యిక‌లో వ‌స్తున్న ఈ క్రేజీ ప్రాజెక్ట్ ని హారికా అండ్ హాసిని క్రియేష‌న్స్ సంస్థ నిర్మించ‌నుంది. `అత‌డు`, `ఖ‌లేజా` చిత్రాల‌కు మెలోడీబ్ర‌హ్మ మ‌ణిశ‌ర్మ బాణీలు అందించ‌గా.. కొత్త చిత్రానికి మ‌ణి శిష్యుడు త‌మ‌న్ స్వ‌రాలు స‌మ‌కూర్చ‌నున్నారు. మే 31న పూజా కార్య‌క్ర‌మాల‌తో ఈ భారీ బ‌డ్జెట్ మూవీ ప‌ట్టాలెక్క‌నుంది.

ఇదిలా ఉంటే.. `#SSMB 28` అనే వ‌ర్కింగ్ టైటిల్ తో రూపొందుతున్న ఈ సినిమాలో ఓ కీల‌క పాత్ర‌లో ఓ యంగ్ హీరో న‌టించ‌నున్నాడ‌ట‌. త్రివిక్ర‌మ్ రూపొందించిన `జ‌ల్సా`లో శివాజీ, `అల వైకుంఠ‌పురములో` చిత్రంలో సుశాంత్ పోషించిన పాత్ర‌ల త‌ర‌హాలో ఈ యంగ్ హీరో రోల్  కూడా ఉంటుంద‌ట‌. ప్ర‌స్తుతం ఆ యువ క‌థానాయ‌కుడిని సెలెక్ట్ చేసే ప‌నిలో త్రివిక్ర‌మ్ ఉన్నార‌ని టాక్.

కాగా, 2022 వేస‌విలో మ‌హేశ్, త్రివిక్ర‌మ్ థ‌ర్డ్ జాయింట్ వెంచ‌ర్ థియేట‌ర్స్ లో సంద‌డి చేయ‌నుంది. ఈ లోపు `స‌ర్కారు వారి పాట‌`తో ప‌ల‌క‌రించ‌నున్నారు మ‌హేశ్.