నాగ‌చైత‌న్య‌, రాశీ ఖన్నా ప్రస్తుతం తమ రాబోయే చిత్రం 'థ్యాంక్ యు' షూటింగ్‌లో పాల్గొంటున్నారు. విక్రమ్ కుమార్ డైరెక్ట్ చేస్తోన్న ఈ మూవీ రొమాంటిక్ ఎంటర్టైనర్‌గా తెర‌కెక్కుతుంది. షూటింగ్ స్పాట్ నుండి తను, చైతన్య తీసుకున్న‌ ఫోటోను త‌న ఇన్‌స్టాగ్రామ్ హ్యాండిల్ ద్వారా షేర్ చేసింది రాశి. కరోనా మహమ్మారి సెకండ్ వేవ్ మ‌ధ్య‌, వివిధ నగరాల్లో బయో బ‌బుల్స్‌లో ఉంటూ సినిమా షూటింగ్‌లు జరుగుతున్నాయి.

కోవిడ్-19 కేసులు పెరుగుతున్న‌ప్ప‌టికీ, దేశవ్యాప్తంగా అనేక సినిమా షూటింగ్‌లు జరుగుతున్నాయి. అలాంటి ఒక చిత్రం దర్శకుడు విక్రమ్ కుమార్ రూపొందిస్తోన్న 'థ్యాంక్ యు'. ప్ర‌స్తుత షెడ్యూల్లో చైతూ, రాశీల‌పై ముఖ్యమైన సన్నివేశాలు చిత్రీక‌రిస్తున్నాడు విక్ర‌మ్‌.

థ్యాంక్ యు షూటింగ్ స్పాట్ నుండి ఒక ఫోటోను త‌న ఇన్‌స్టాగ్రామ్ హ్యాండిల్ ద్వారా షేర్ చేసింది రాశీ. ఆ ఫోటోలో, రాశి త‌న‌ వెనుక నిలబడి ఉండగా నాగ చైతన్య సెల్ఫీ తీసుకోవడం చూడవచ్చు. ఆ ఫోటోను షేర్ చేసి, "In between shots.. with this one @chayakkineni #thankyouthemovie (sic)." అనే క్యాప్ష‌న్ జోడించింది రాశి. 

'థ్యాంక్ యు' చిత్రంలో అవికా గోర్, మాళ‌వికా నాయర్ కూడా ముఖ్యమైన పాత్రల్లో నటిస్తున్నారు. శ్రీ వెంకటేశ్వర క్రియేషన్స్ నిర్మిస్తున్న ఈ సినిమాకు తమన్ స్వరాలు స‌మ‌కూరుస్తున్నారు. ప్ర‌ఖ్యాత ఛాయాగ్రాహ‌కుడు పిసి శ్రీరామ్ ఈ మూవీకి వ‌ర్క్ చేస్తున్నారు.