‘1000 వర్డ్స్’ క్లైమాక్స్ చూసి కన్నీళ్లు పెట్టుకున్న రేణు దేశాయ్!
on Jan 7, 2025
అరవింద్ కృష్ణ, బిగ్ బాస్ ఫేమ్ దివి, మేఘన శ్రీనివాస్, వినయ్ కీలక పాత్రల్లో విల్లర్ట్ ప్రొడక్షన్ హౌస్ బ్యానర్‌లో ‘1000 వర్డ్స్’ అనే సినిమా రూపొందింది. ఈ సినిమాకు రమణ విల్లర్ట్ నిర్మాతగా వ్యవహరిస్తూనే డైరెక్షన్ చేశారు. కే రవి కృష్ణా రెడ్డి కో- ప్రొడ్యూసర్ గా పని చేశారు. ఈ సినిమాకు డా.సంకల్ప్ కథ, డైలాగ్స్, స్క్రీన్ ప్లే అందించగా.. శివ కృష్ణ సంగీతం అందించారు. సినిమాటోగ్రఫర్‌గా శివ రామ్ చరణ్ పని చేశారు. సోమవారం నాడు స్పెషల్‌గా ఈ మూవీని ప్రదర్శరించారు. ఈ చిత్రం స్పెషల్ ప్రీమియర్‌కు రేణూ దేశాయ్, ఎస్వీ కృష్ణారెడ్డి, అచ్చి రెడ్డి, మధుర శ్రీధర్, జ్యోతి పూర్వాజ్, సుకు పూర్వాజ్ ముఖ్య అతిథులుగా విచ్చేశారు. స్పెషల్ షోను వీక్షించిన అనంతరం..
రేణూ దేశాయ్ మాట్లాడుతూ.. ‘రమణ గారు ఫోటోగ్రాఫర్‌గా నాకు తెలుసు. ఆయన ఓ కథ చెప్పాడు. బాగానే అనిపించింది. కానీ ఎలా తీసి ఉంటారా? అని అనుకున్నాను. ఈ మూవీ చూశాక అద్భుతంగా అనిపించింది. ఇది అందరికీ రీచ్ అవ్వాలి. అందరూ చూడాల్సిన, అందరికీ తెలియాల్సిన సినిమా. ఒక్క ఫోటో మీద ఇంత మంచి కథను రాసుకుని తీశారు. సినిమా చూశాక నాకు కూడా కన్నీళ్లు వచ్చాయి. ఇంత మంచి సినిమాను తీసిన టీంకు ఆల్ ది బెస్ట్. రమణ గారికి ఇది ఆరంభం మాత్రమే. ఆయన్నుంచి ఇంకా ఇలాంటి మంచి చిత్రాలు రావాలని ఆశిస్తున్నాను’ అని అన్నారు.
ఎస్వీ కృష్ణారెడ్డి మాట్లాడుతూ.. ‘‘1000 వర్డ్స్’ అద్భుతమైన చిత్రం. అందరినీ కంటతడి పెట్టించారు. ఈ చిత్రానికి కచ్చితంగా అవార్డులు వస్తాయి. ప్రతీ ఒక్కరి హృదయాల్ని కుదిపేస్తుంది. చాలా రోజులకు ఓ చక్కటి సినిమాను చూశానని అనిపిస్తుంది’ అని అన్నారు.
హీరో అరవింద్ కృష్ణ మాట్లాడుతూ.. ‘‘1000 వర్డ్స్’ ప్రాజెక్టులో నటించడం నా అదృష్టంగా భావిస్తున్నాను. రమణ గారితో ఓ సారి ఫోటో షూట్ చేశాను. మీరు ఎప్పుడైనా సినిమా చేస్తే నాకు చెప్పండి సర్ అని అన్నాను. నాకు ఇచ్చిన అవకాశాన్ని సద్వినియోగం చేసుకున్నానని, పాత్రను చక్కగానే పోషించానని అనుకుంటున్నాను. సూపర్ హీరో ఏ మాస్టర్ పీస్ సినిమా షూటింగ్‌లో నాకు గాయమైంది. దాదాపు ఎనిమిది నెలలు పని లేకుండా అలా బెడ్డు మీదే ఉండిపోయాను. ఆ టైంలోనే ఈ ప్రాజెక్ట్ వచ్చింది. ఆ దేవుడే రమణ గారిని నా దగ్గరకు పంపాడనిపిస్తుంది. సంకల్ప్, శివ కృష్ణ, శివ రామ్ చరణ్‌లు ఈ ప్రాజెక్ట్‌కు చాలా కష్టపడ్డారు. వాళ్లు చాలా ఎత్తుకు ఎదుగుతారనిపిస్తుంది. మేఘన గారు, దివి గారు అద్భుతంగా నటించారు. నూరీ ఈ చిత్రానికి హీరో. నా మూడేళ్ల కొడుకు అధ్విక్ కృష్ణ మొదటి సారిగా నా సినిమాను స్క్రీన్ మీద చూశాడు. ఈ మూవీ నాకెంతో ప్రత్యేకం. నాకు సపోర్ట్ చేసిన ప్రతీ ఒక్కరికీ థాంక్స్’ అని అన్నారు.
డైరెక్టర్, నిర్మాత రమణ విల్లర్ట్ మాట్లాడుతూ.. ‘గత 20 ఏళ్లుగా నేను ఓ మంచి సినిమాను చేయాలని తపిస్తూనే ఉన్నాను. నాకు కథలు రాయడం రాదు. నేను చాలా కథలు వింటూ వచ్చాను. అప్పుడే సంకల్ప్ ఈ కథతో వచ్చారు. ఓ తల్లి బిడ్డను కనేప్పుడు పడే బాధను చెప్పాలని, చూపించాలనే ఈ సినిమాను తీశాం. అరకులో పూర్తిగా షూట్ చేశాం. మేఘన గారు అమ్మ పాత్రలో అద్భుతంగా నటించారు. పురిటి నొప్పుల్ని డబ్బింగ్‌లో చూపించడంతో కన్నీళ్లు వచ్చాయి. ఇలాంటి కథకు హీరోగా ఎవరు వస్తారో అని అనుకున్నాం. ఈ కథను అరవింద్ గారికి చెబితే వెంటనే ఒప్పుకున్నారు. కథ వింటుంటే గూస్ బంప్స్ వస్తున్నాయని అన్నారు. ఆయన మాకు ఎంతో సహకరించారు. ఆయన అద్భుతంగా నటించారు. త్వరలోనే ఆయన పెద్ద స్టార్ హీరో అవుతారు. దివి నటన చూసి అంతా ఫిదా అవుతున్నారు. దివి చాలా అందంగా ఉండటమే కాదు అంతే అద్భుతంగా నటించారు. చైల్డ్ ఆర్టిస్ట్ వినయ్ అలియాస్ నూరీ నటన చూసి నాకు ముచ్చట వేసింది. ఎంత చదువుకుంటావో చదువుకో నేనుంటాను అని మాటిచ్చాను. నాకు ఆ పిల్లాడు అంతగా నచ్చాడు. మ్యూజిక్ డైరెక్టర్ శివ కృష్ణ ఇచ్చిన ట్యూన్‌కు కీరవాణి తండ్రి గారు శివశక్తి దత్తా అద్భుతంగా రాశారు. లక్ష్మీ భూపాల గారు రెమ్యూనరేషన్ లేకుండా పాట రాసిచ్చారు. శివ రామ్ చరణ్ ఫ్రేమ్స్ చూసి నాకు అద్భుతంగా అనిపించింది. తొమ్మిది నెలలు నాతో పాటు జర్నీ చేశాడు. ఓ ఫోటోగ్రాఫర్‌కు నచ్చేలా సినిమాటోగ్రఫర్ పని చేయడం మామూలు విషయం కాదు. సంకల్ప్ నాకు ఎన్ని వర్షెన్స్ కావాలంటే అన్ని వర్షెన్స్ ఇచ్చాడు. ఎడిటర్ మనోజ్ మాకు అద్భుతంగా ఎడిట్ చేసి ఇచ్చాడు. రేణూ దేశాయ్ గారు నాకు సోదరి వంటి వారు. ఆమెకు ఈ కథ చెప్పగానే ఎమోషనల్ అయ్యారు. ఎలాంటి సపోర్ట్ కావాలన్నా చేస్తానని ఆమె ముందుకు వచ్చారు. సోనికి బ్రాండ్‌ అంబాసిడర్‌గా పని చేశాను. వాళ్లు ఇచ్చిన సోని బురానో కెమెరాతో షూట్ చేశాను. అపర్చర్ లైట్స్ కూడా ఇచ్చారు. కూప్ లెన్స్ ఇచ్చి సపోర్ట్ చేసిన రాజ్ కుమార్ గారికి థాంక్స్. నేను మొదటి ప్రయత్నం చేశాను. చూసిన వారంతా తప్పులు చెప్పండి. వాటిని తెలుసుకుని సరిదిద్దుకుంటాను’ అని అన్నారు.
దివి మాట్లాడుతూ.. ‘నన్ను ఇంత అందంగా చూపించిన రమణ గారికి థాంక్స్. సినిమా చివర్లో నేను ఏడ్చాను. చివరి పది నిమిషాలు హృదయాన్ని హత్తుకుంది. అందరినీ ఈ మూవీ కట్టి పడేస్తుంది. కథ విన్నప్పుడు ఇంత ఎఫెక్టివ్‌గా ఉంటుందని అనుకోలేదు. తెరపై అలా చూస్తుంటే ఓ తల్లి మాతృత్వాన్ని ఫీల్ అయ్యాను’ అని అన్నారు.
నటి మేఘన మాట్లాడుతూ.. ‘‘1000 వర్డ్స్’లో ఇంత మంచి పాత్రను రమణ గారు నమ్మకంగా నాకు ఇచ్చినందుకు థాంక్స్. సినిమా చూస్తుంటే నిజంగానే తల్లి కాకుండానే మాతృత్వాన్ని అనుభవించినట్టుగా అనిపించింది. అరవింద్, దివి గార్లతో నటించడం ఆనందంగా ఉంది. ఇలాంటి మరిన్ని మంచి పాత్రలను నేను చేయాలని కోరుకుంటున్నాను’ అని అన్నారు.
చైల్డ్ ఆర్టిస్ట్ వినయ్ అలియాస్ నూరి మాట్లాడుతూ.. ‘‘1000 వర్డ్స్’లో నూరి కారెక్టర్‌ను ఇచ్చిన రమణ గారికి థాంక్స్. నాకు సపోర్ట్ చేసిన అందరికీ థాంక్స్’ అని అన్నాడు.
రైటర్ సంకల్ప్ మాట్లాడుతూ.. ‘నేను రాసిన కథ ఇంత మందికి నచ్చింది. ఇంత మంది చప్పట్లు కొట్టడం చూస్తుంటే ఆనందంగా ఉంది. మా నూరికి యాక్టింగ్ రాదు. చాలా నేర్చుకుని ఎంతో అద్భుతంగా నటించాడు. నాకు సపోర్ట్ చేసిన అందరికీ థాంక్స్’ అని అన్నారు.
సినిమాటోగ్రఫర్ శివ రామ్ చరణ్ మాట్లాడుతూ.. ‘మా ఈ ప్రయాణంలో రేణూ దేశాయ్ గారు చాలా సపోర్ట్ చేశారు. రమణ గారు ఓ మంచి చిత్రం తీయాలని ఎప్పటి నుంచో ఎదురుచూస్తున్నారు. అలాంటి టైంలోనే సంకల్ప్ మంచి కథను ఇచ్చారు. మాకు ఈ అవకాశం ఇచ్చిన రమణ గారికి థాంక్స్. ఆయన వల్లే ఈ ప్రాజెక్ట్ ఇంత బాగా వచ్చింది. మా కోసమే మా హీరో అరవింద్ కృష్ణ గారు ఈ సినిమా చేసినట్టుగా అనిపిస్తుంది’ అని అన్నారు.
మ్యూజిక్ డైరెక్టర్ శివ కృష్ణ మాట్లాడుతూ.. ‘నాకు అవకాశం ఇచ్చిన రమణ గారికి థాంక్స్. ఆయనంటే నాకు చాలా ఇష్టం. ఎప్పుడూ పాజిటివ్‌గా ఉంటారు. ఈ పాటలు ఇంత బాగా రావడానికి ఆయనే కారణం. నా మీద నమ్మకంతో పెద్ద సింగర్లను కూడా ఇచ్చారు. అరవింద్ గారు అద్భుతంగా నటించారు. నాకు ఈ అవకాశం ఇచ్చిన అందరికీ రుణపడి ఉంటాను’ అని అన్నారు.
నేపథ్య సంగీత దర్శకుడు రాజా మాట్లాడుతూ.. ‘సంకల్ప్ వల్లే నా ప్రయాణం మొదలైంది. ఈ సినిమాకు ఆ యూనివర్స్ వల్లే అంతా కలిశాం. నాలుగేళ్లుగా ఈ ప్రాజెక్ట్ కోసం పని చేశాం. ఈ చిత్రం మున్ముందు ఎన్నో అవార్డులు గెలుస్తుంది’ అని అన్నారు.
మనోజ్ మాట్లాడుతూ.. ‘నాకు ఇంత మంచి అవకాశం ఇచ్చిన మా రమణ గారికి థాంక్స్. ఈ సినిమా అద్భుతంగా వచ్చింది. అందరినీ కదిలిస్తుంది’ అని అన్నారు.
అచ్చి రెడ్డి మాట్లాడుతూ.. ‘‘1000 వర్డ్స్’ సినిమా చూసిన ప్రతీ ఒక్కరూ కంటతడి పెడతారు. నూరీ ఈ సినిమాకు అసలు హీరో. మంచి ఫీల్‌తో ఈ మూవీని తీశారు. రమణ గారి నుంచి ఇలాంటి చిత్రాలు మరిన్ని రావాలి’ అని అన్నారు.
ఆప్తా ప్రెసిడెంట్ త్రినాథ్ ముద్రగడ మాట్లాడుతూ.. ‘‘1000 వర్డ్స్’ సినిమా హార్ట్ టచింగ్‌గా అనిపించింది. రమణ గారు ఈ మూవీని అద్భుతంగా తీశారు. ఈ ప్రాజెక్ట్‌కు అన్ని అవార్డులు రావాలి’ అని అన్నారు.
మధుర శ్రీధర్ మాట్లాడుతూ.. ‘‘1000 వర్డ్స్’ చూసి కంటతడి పెట్టేసుకున్నాను. హీరో అరవింద్ అద్భుతంగా నటించాడు. రమణ గారు ఈ మూవీని చక్కగా తీశారు. టెక్నికల్‌గా ఈ మూవీ నెక్ట్స్ లెవెల్లో ఉంది. ఫిల్మ్ మేకర్లకు ఈ మూవీ ఇన్ స్పిరేషనల్‌గా ఉంటుంది. ఇంత మంచి చిత్రాన్ని ఈ మధ్యలో చూడలేదు. అన్ని అవార్డులు ఈ మూవీకి రావాలని కోరుకుంటున్నా’ అని అన్నారు.
నటి జ్యోతి పూర్వాజ్ మాట్లాడుతూ.. ‘‘1000 వర్డ్స్’ అద్భుతంగా ఉంది. అసలు టైం ఎలా గడిచిందో అర్థం కాలేదు. క్లైమాక్స్ చూసి ఎమోషనల్ అయ్యాను. అందరూ అద్భుతంగా నటించారు. రమణ గారు ఈ మూవీని చక్కగా తీశారు’ అని అన్నారు.
సుకు పూర్వాజ్ మాట్లాడుతూ.. ‘‘1000 వర్డ్స్’ ఒక ఎక్స్‌పీరియెన్స్‌లా ఉంది. రమణ గారి అనుభవం కనిపిస్తుంది. కథను నడిపించిన తీరు అద్భుతంగా అనిపించింది. చాలా బాగా తీశారు. అంతర్జాతీయంగా అవార్డులు వస్తాయనిపిస్తుంది. మా హీరో అరవింద్ కృష్ణ బాగా చేశారు.’ అని అన్నారు.
Also Read
.webp)
.webp)
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
