
బాక్సాఫీస్ దగ్గర ‘రామాయణ’ విధ్వంసం కొనసాగుతోంది. రణ్బీర్ కపూర్, సాయిపల్లవి, యశ్ ప్రధాన పాత్రల్లో నటించిన ఈ మైథలాజికల్ ఎపిక్ సినిమా విడుదలైన 14 రోజుల్లోనే ప్రపంచవ్యాప్తంగా రూ.1500 కోట్ల గ్రాస్ మార్క్ను దాటింది. అంతేకాదు.. అత్యంత వేగంగా ఈ ఘనత సాధించిన భారతీయ సినిమాగా రికార్డు సృష్టించింది.
నితేశ్ తివారీ దర్శకత్వంలో తెరకెక్కిన ‘రామాయణ’ నవంబర్ 5న థియేటర్లలోకి వచ్చింది. విడుదలైన మొదటి వారంలోనే రూ.1000 కోట్ల క్లబ్లోకి అడుగుపెట్టిన ఈ సినిమా.. రెండో వారంలోనూ అదే జోరు కొనసాగించింది. 14వ రోజు నాటికి ప్రపంచవ్యాప్తంగా రూ.1,519.05 కోట్ల గ్రాస్ వసూలు చేసినట్లు ట్రేడ్ లెక్కలు చెబుతున్నాయి. ఇందులో భారత్ నుంచి రూ.1,009.05 కోట్లు, ఓవర్సీస్ నుంచి రూ.510 కోట్లు వచ్చాయి.
రూ.1500 కోట్ల మార్క్ను అందుకోవడానికి ‘ధురంధర్ 2’కు 16 రోజులు పట్టగా.. ‘పుష్ప 2’ 17 రోజుల్లో ఈ మైలురాయిని చేరుకుంది. ‘బాహుబలి 2’ 20 రోజుల్లో ఈ ఘనత సాధించింది. అయితే ‘రామాయణ’ మాత్రం కేవలం 14 రోజుల్లోనే ఈ మార్క్ను అందుకుని కొత్త రికార్డు సృష్టించింది.
మొత్తానికి రెండు వారాల్లోనే ఇన్ని రికార్డులు సృష్టించిన ‘రామాయణ’ బాక్సాఫీస్ ప్రయాణం ఇప్పుడు మరింత ఆసక్తికరంగా మారింది. ఇప్పటికే రూ.1500 కోట్ల మార్క్ను దాటిన ఈ సినిమా.. ఫైనల్ గా ఎంత వసూలు చేస్తుంది? రూ.2000 కోట్ల క్లబ్లోకి అడుగుపెడుతుందా? అనేది చూడాలి.
ఇది కూడా చదవండి: రామాయణ ఎఫెక్ట్.. థియేటర్లలో కొత్త రూల్.. నాన్వెజ్ బ్యాన్.!
[Ramayana 1500 Crore, Ranbir Kapoor, Sai Pallavi, Yash, Nitesh Tiwari]





