చెక్ బౌన్స్ కేసులో వివాదాస్పద దర్శకుడు రామ్ గోపాల్ వర్మకు ముంబై కోర్టు మూడు నెలలు జైలు శిక్ష విధించింది.  మహేష్ చంద్ర మిశ్రా అను వ్యక్తి ఫిర్యాదు మేరకు 2018లో ఆయనపై ముంబైలో చెక్ బౌన్స్ కేసు నమోదైంది. ఈ కేసుపై అంధేరీ కోర్టులో విచారణ జరిగింది. దాదాపు ఏడేళ్ల తరువాత అంధేరీ కోర్టు ఈ కేసులో రామ్ గోపాల్ వర్మను దోషిగా నిర్ధారిస్తూ తీర్పు వెలువరించింది.

గత ఏడేళ్లుగా వాయిదాల మీద వాయిదాలు పడుతూ వస్తున్న ఈ కేసులో అంధేరీ కోర్టు ఇప్పటి వరకూ పలు మార్లు రామ్ గోపాల్ వర్మకు సమన్లు పంపింది. కోర్టుకు నేరుగా హాజరు కావాల్సిందిగా ఆదేశిస్తూ నోటీసులూ ఇచ్చింది. అయితే వాటిని వేటినీ రామ్ గోపాల్ వర్మ ఖాతరు చేయలేదు. ఈ నేపథ్యంలోనే కోర్టు గురువారం తీర్పు వెలువరించింది.

ఈ తీర్పు మేరకు ఆ తీర్పు మేరకు రామ్ గోపాల్ వర్మ మూడు నెలలు జైలు శిక్ష అనుభించాల్సి ఉంటుంది. అలాగే మూడు నెలలలోగా ఫిర్యాదు రాదు మహేష్ చంద్ర మిశ్రాకు 3 కోట్ల 72 లక్షల రూపాయలు చెల్లించాలని పేర్కొంది. అలా చెల్లించని పక్షంలో రామ్ గోపాల్ వర్మ మరో మూడు నెలలు జైలు శిక్ష అనుభవించాల్సి ఉంటుంది.