ఆన్‌లైన్ మోసాలు, బ్యాంకింగ్ ఫ్రాడ్స్, డిజిటల్ అరెస్టుల పేరుతో కేటుగాళ్లు మోసాలకు పాల్పడుతూ అమాయకుల జేబులు గుల్ల చేస్తున్నారు. ఇలాంటి   సైబర్ నేరగాళ్ల ఆట కట్టించడంలో తెలంగాణ రాష్ట్రం దేశంలోనే అగ్రస్థానంలో ఉంది. ఈ విషయం పీఎంవో నిర్వహించిన ప్రగతి సమీక్షలో  వెల్లడైంది.

కేంద్ర హోం మంత్రిత్వ శాఖ దేశవ్యాప్తంగా అన్ని రాష్ట్రాలు,  కేంద్రపాలిత ప్రాంతాల సైబర్ సెక్యూరిటీ విభాగాల పనితీరును సమీక్షించింది. ఈ సమీక్షలో    9  అంశాలను ప్రామాణికంగా తీసుకున్నారు. వాటిలో టెక్నాలజీ వినియోగం, బాధితులకు ఫిర్యాదుల పట్ల స్పందించే వేగం,  రికవరీ వ్యవస్థల సమర్థత  విభాగాల్లో తెలంగాణ సైబర్ సెక్యూరిటీ బ్యూరో  అన్ని రాష్ట్రాలు, కేంద్ర పాలిత ప్రాంతాల కంటే ముందు ఉందని తేలింది. 

డిజిటల్ నేరాలను అరికట్టడానికి తెలంగాణ పోలీస్ శాఖ  దేశంలోనే తొలిసారిగా స్టేట్ సైబర్ క్రైమ్ కోఆర్డినేషన్ సెంటర్‌ను ప్రత్యేకంగా అందుబాటులోకి తీసుకొచ్చింది. దీనితో పాటు కేసుల నమోదులో జాప్యాన్ని నివారించడానికి ఇ జీరో ఎఫ్ఐఆర్ విధానాన్ని  విజయవంతంగా అమలు చేస్తోంది.  బాధితుల నుంచి వచ్చే ఫిర్యాదులను ఎప్పటికప్పుడు సమీక్షించడానికి గ్రీవెన్స్ రిడ్రెస్సల్ మాడ్యూల్‌ను   సమర్థవంతంగా నిర్వహిస్తోంది.

సైబర్ మోసానికి గురైన వెంటనే బాధితులు నష్టపోయిన నగదును తిరిగి అందించడంలో తెలంగాణ ఉపయోగించే మనీ రిస్టోరేషన్ మాడ్యూల్ ప్రభావమంతంగా పని చేస్తోంది.  మోసగాళ్ల ఖాతాల్లో ఉన్న సొమ్మును తక్షణమే హోల్డ్‌లో పెట్టి   బాధితులకు తిరిగి ఇప్పించడంలో తెలంగాణ రాష్ట్రంలోనే నంబర్ వన్ గా  నిలిచింది. దీనికి తోడు సహ్యోగ్, సమన్వయ పోర్టళ్ల   వాడకం, ప్రధాన సైబర్ క్రైమ్ హాట్‌స్పాట్‌ల నిరంతర పర్యవేక్షణ, పోలీసు అధికారుల నైపుణ్యం పెంపుదల వంటి చర్యలు తెలంగాణను దేశంలోనే అగ్రస్థానంలో నిలబెట్టాయి.

ఇండియన్ సైబర్ క్రైమ్ కోఆర్డినేషన్ సెంటర్ పరిధిలోని కేంద్ర డిజిటల్ వేదికలను  సమర్థవంతంగా వినియోగించుకుంటున్నందుకు తెలంగాణ సైబర్ సెక్యూరిటీ బ్యూరోకు కేంద్ర పీఎంవో సమీక్షలో ప్రత్యేక ప్రశంసలు లభించాయి.  

Telangana cyber crime control rank 1, PMO Pragati review cyber security, Telangana Cyber Security Bureau TGCSB, cyber crime helpline 1930, S4C cyber crime Telangana, Money Restoration Module TGCSB