బీఆర్ఎస్, కాంగ్రెస్ లకు తెలుగుదేశం పార్టీయే పోటీ?

Publish Date:Oct 8, 2024

Advertisement

తెలంగాణలో తెలుగుదేశం పార్టీకి స్పేసే లేదంటూ అధికారంలో ఉన్న పదేళ్ల కాలంలో బీఆర్ఎస్ బీరాలు పలికింది. అయితే ఆ పార్టీ ముచ్చటగా మూడో సారి అధికారంలోకి రావాలన్న ఆశలకు తెలుగుదేశం పార్టీయే గండి కొట్టింది. తెలంగాణ అసెంబ్లీ ఎన్నికలకు ముందు తెలుగుదేశం అధినేత నారా చంద్రబాబునాయుడు ఖమ్మంలో నిర్వహించిన సభకు అశేష జనం  హాజరై ఆ సభను దిగ్విజయం చేశారు.

అప్పటి వరకూ విభజన తరువాత తెలంగాణలో తెలుగుదేశం నామమాత్రమన్న భావన సర్వత్రా ఉండేది. అయితే తెలుగుదేశం నేతలు మాత్రం పార్టీపై ప్రజలలో విశ్వాసం చెక్కు చెదరలేదనీ, క్యాడర్ ఇన్ టాక్ట్ గా తెలుగుదేశం పార్టీనే అంటిపెట్టుకుని ఉందని చెబుతూ వచ్చారు. కేవలం క్యాడర్ కు దిశానిర్దేశం చేసే నాయకత్వం లేకపోవడం వల్లే తెలంగాణలో తెలుగుదేశం పరిస్థితి అంతంత మాత్రమేనన్న భావన ప్రజలలో నెలకొందని తెలుగుదేశం నాయకత్వం నమ్మింది. 2023 డిసెంబర్ లో చంద్రబాబు నాయుడు ఖమ్మం వేదికగా నిర్వహించిన బహిరంగ సభకు హాజరైన జనసందోహాన్ని చూసి తెలంగాణలే మేమేం తోపులం అని అప్పటి వరకూ భావిస్తూ వచ్చిన బీఆర్ఎస్, అప్పుడు టీఆర్ఎస్ ఒక్క సారి ఉలిక్కిపడింది. సరే ఆ తరువాత గత ఏడాది జరిగిన అసెంబ్లీ ఎన్నికలలో తెలుగుదేశం పార్టీ పోటీకి దూరంగా ఉండటం కాంగ్రెస్ కు కలిసి వచ్చింది. అయితే నాడు ఖమ్మం సభతో తెలంగాణలో తెలుగుదేశం బలం ఏమిటన్నది అందరికీ తెలిసి వచ్చింది. 

ఇప్పుడు ఆంధ్రప్రదేశ్ లో అధికారం చేపట్టిన తరువాత తెలుగుదేశం అధినేత చంద్రబాబు నాయుడు తెలంగాణలో కూడా పార్టీకి పునర్వైభవం తీసుకువస్తానని ప్రకటించారు. అందుకోసం కార్యాచరణ సైతం సిద్ధం చేశారు. తరచూ హైదరాబాద్ వచ్చి రాష్ట్ర పార్టీ పరిస్థితిపై చర్చిస్తాననీ, సమీక్షిస్తాననీ, నెలకొసారి అయినా రాష్ట్రంలో పర్యటిస్తానని చంద్రబాబు చెప్పారు.  దీంతో వివిధ కారణాలతో తెలంగాణలో తెలుగుదేశం పార్టీని వీడి వేర్వేరు పార్టీలలో సర్దుకున్న వారిలో పలువురు నేతలు సొంత గూటికి రావడానికి ఉత్సాహం చూపుతున్నారు. వీరిలో అత్యధికులు ప్రస్తుతం బీఆర్ఎస్ లో ఉన్నవారే కావడం  గమనార్హం. వీరిలో మొదటిగా హైదరాబాద్ మాజీ మేయర్ తీగల కృష్ణారెడ్డి తాను తెలుగుదేశం గూటికి చేరనున్నట్లు ప్రకటించి సంచలనం సృష్టించారు. హైదరాబాద్ లో చంద్రబాబుతో భేటీ అయిన తీగల కృష్ణారెడ్డి ఆ భేటీ అనంతరం తాను తెలుగుదేశం గూటికి చేరనున్నట్లు ప్రకటించడమే కా కుండా రాష్ట్రంలో పార్టీకి పునర్వైభవం తీసుకురావడానికి చంద్రబాబు మార్గదర్శకత్వంలో శక్తివంచన లేకుండా కృషి చేస్తానని సంచలన ప్రకటన చేశారు. తీగలే కాకుండా మాజీ మంత్రి చామకూర మల్లారెడ్డి కూడా చంద్రబాబుతో భేటీ అయ్యారు. ఆయనతో పాటు ఆయన అల్లుడు రాజశేఖరరెడ్డి కూడా ఉన్నారు. తన మనవరాలి వివాహానికి చంద్రబాబును ఆహ్వానించడానికే ఆయనను కలిసినట్లు చెప్పినా.. మల్లారెడ్డి కూడా త్వరలో తెలుగుదేశం గూటికి చేరుతారని పరిశీలకులు విశ్లేషిస్తున్నారు. తెలుగుదేశం తెలంగాణ అధ్యక్షపదవికి ఆయన కూడా రేసులో ఉండే అవకాశం ఉందంటున్నారు. వీరే కాకుండా నందిగం కృష్ణారావు వంటి వారు కూడా బీఆర్ఎస్ ను వీడి సైకిలెక్కేందుకు సిద్ధంగా ఉన్నట్లు చెబుతున్నారు.  

ఈ సందర్భంగా పరిశీలకులు తెలంగాణలో తెలుగుదేశం పార్టీ క్యాడర్ చెక్కు చెదరలేదని, తెలంగాణ ఉద్యమ వేడి, తెలంగాణ సాధించుకున్న సంబరాల మధ్య జరిగిన 2014 ఎన్నికలలో కేడా తెలంగాణలో తెలుగుదేశం పార్టీ 20పైగా అసెంబ్లీ స్థానాలను గెలుచుకున్న సంగతిని గుర్తు చేస్తున్నారు.  ఇప్పుడు కూడా తెలంగాణ సంతుల్య అభివృద్ధి జరగాలంటే తెలుగుదేశం అధికారంలోకి రావాల్సిందేనన్న అభిప్రాయం తెలంగాణ సమాజంలో ఉందని చెబుతున్నారు. తెలంగాణ, హైదరాబాద్ అభివృద్ధి అంతా  ఎన్టీఆర్, చంద్రబాబు హయాంలోనే  జరిగిందని గుర్తు చేస్తున్నారు.  హైటెక్ సిటీ,సైబరాబాద్ వంటివి చంద్రబాబు పాలనలోనే వచ్చాయని చెబుతున్నారు.   

 తెలంగాణ సీఎం రేవంత్ రెడ్డి ఒకప్పటి టీడీపీ నాయకుడే. మాజీ ముఖ్యమంత్రి కేసీఆర్ కూడా ఎన్టీఆర్, బాబు మంత్రివర్గాలలో పనిచేసారు. ఈనాటి తెలంగాణ నాయకుల్లో అత్యధికులు ఒకప్పటి టీడీపీ నుంచివచ్చినవారే. వారి మాతృసంస్థ టీడీపీ నే.

తెలంగాణను పీడిస్తున్న పటేల్,పట్వారీ వ్యవస్థను రద్దు చేయడం ద్వారా ఎన్టీఆర్ తెలంగాణ ప్రజల అభిమానాన్ని పొందారు. ఇక చంద్రబాబు వచ్చిన తరువాత ఐటీ పరిశ్రమ అభివృద్ధి జరిగి మధ్యతరగతి ప్రజలను ఉన్నత స్థాయికి ఎదిగారు. సైబరాబాద్ నిర్మాణంతో నగరం విస్తరణలో పాటు సాంకేతిక పెరిగింది. పర్యాటక ప్రాంతంగా ఉన్న హైదరాబాద్ నగరాన్ని ఉపాధి ఇచ్చే కామధేనువుగా మారింది. ఆ విషయాన్ని తెలంగాణ సమాజం మరచిపోలేదు. అందుకే జగన్ సర్కార్ చంద్రబాబును అక్రమ కేసులో జైలుకు పంపినప్పుడు తెలంగాణలో చంద్రబాబుకు మద్దతుగా వెల్లువెత్తిన ఆందోళనలు రాష్ట్రంలో తెలుగుదేశంకు ఉన్న మద్దతును, బలాన్ని చాటాయి. ఇప్పుడు చంద్రబాబే స్వయంగా తెలంగాణలో పార్టీ పునర్వైభవానికి పిలుపునిచ్చారు. ఆయన పిలుపుతో పలువురు నేతలు సైకిలెక్కేయడానికి సిద్ధపడ్డారు. ముందు ముందు మరింత మంది తెలంగాణ నేతలు హోం కమింగ్ అంటూ ప్రస్తుతం వారు ఉన్న పార్టీలను వదిలి తెలుగుదేశం గూటికి చేరడం ఖాయమని తీగల కృష్ణారెడ్డి మాటలను బట్టి అవగతమౌతోంది.  తెలంగాణలో రాజకీయ సమీకరణాలు రానున్న రోజులలో మారనున్నాయని, వచ్చే ఎన్నికల నాటికి కాంగ్రెస్, బీఆర్ఎస్ లకు గట్టి పోటీ ఇచ్చేది తెలుగుదేశం పార్టీయేనని అంటున్నారు. 

ఇది కూడా చదవండి.. తెలంగాణలో తెలుగుదేశం.. అదే ఆదరణ.. అదే ప్రభంజనం

By
en-us Political News

  
కొలంబియా యూనివర్సిటీ వేదికగా రాహుల్ గాంధీ మాట్లాడుతూ, ప్రస్తుతం  దేశ ఆర్థిక వ్యవస్థ   పతనావస్థలో ఉందని రాహుల్ సంచలన వ్యాఖ్యలు చేశారు. దేశంలో నిరుద్యోగ సమస్య విపరీతంగా పెరిగిపోయిందని, యువతకు ఉపాధి అవకాశాలు కరవయ్యాయని ఆయన ఆరోపించారు.
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.