చాలా మృదువుగా మాట్లాడే టాలీవుడ్ స్టార్ హీరోయిన్ సమంత ఓ డైరెక్టర్ని తిట్టిందట. ఆ తిట్లు కూడా మామూలు తిట్లు కాదు. ‘రాస్కెల్, పిగ్, మెంటలోడా’ అని ఆ దర్శకుడి ముఖం మీదే తిట్టేసిందట. ఈ విషయాన్ని సమంతే చెప్పింది. ‘‘నాకు కోపం వచ్చినా వ్యక్తం చేయను. నాలోనే దాచుకుంటాను. ఎవరి మీదైనా కోపం వస్తే మౌనంగా వుండిపోతాను. అలాంటి నన్ను ఈమధ్య ఓ డైరెక్టరు తెగ విసిగించాడు. ఎంత బాగా నటించినా టేకుల మీద టేకులు అడుగుతున్నాడు. దాంతో నాకు కోపం వచ్చేసింది. అతన్ని కోపంగా ‘రాస్కెల్, పిగ్, మెంటలోడా’ అని తిట్టేశాను’’ అని చెప్పింది. ఇంతకీ సమంత సదరు దర్శకుడిని పైకి తిట్టలేదంట.. మనసులో లోపల లోపలే తిట్టుకుందట. వాయబ్బో... అందాల భామ సమంతలో చతురత బాగానే వుంది.