ప్రజాక్షేత్రంలోకి బాబు లోకేష్.. ఇక జగన్ కు చుక్కలే!

Publish Date:Nov 21, 2023

Advertisement

ఏపీలో అధికార పార్టీ వైసీపీ ఇప్పుడు పీకల్లోతు కష్టాల్లో ఉంది. నాలుగున్నరేళ్ల పాలన కాలంలో కక్షసాధింపుకు ప్రాధాన్యమిచ్చిన సీఎం జగన్.. చివరి ఆరు నెలలలో దాన్ని  తారస్థాయికి తీసుకెళ్లే పనిలో పడ్డారు.   దీంతో అసలే అసంతృప్తితో ఉన్న ప్రజలలో ఇప్పుడు ఆ అసంతృప్తి స్థాయి కూడా తీవమైంది. ఇక్కడా అక్కడా అని లేకుండా రాష్ట్రంలో అన్ని ప్రాంతాలలో, అన్ని వర్గాలలో వైసీపీ పాలనపై తీవ్ర వ్యతిరేకత కనిపిస్తున్నది. దీంతో ప్రతిపక్షాలను అణచివేయాలనో.. లేక అసలు అడ్డు లేకుండా చేయాలనో  కానీ.. తెలుగుదేశం అధినేత చంద్రబాబును అక్రమంగా అరెస్ట్ చేయించారు. అర్ధరాత్రి వేళ ఆయన బస చేసిన చోట నుండే ఎలాంటి ముందస్తు సమాచారం లేకుండా అరెస్ట్ చేశారు. అది కూడా కనీసం చార్జ్ షీటులో పేరు కూడా లేకుండా అరెస్టుకు తెగబడ్డారు. ఆ తర్వాత ఆయన  జైలు నుండి బయటకి రాకుండా ఉంచేందుకు కూడా తీవ్రంగా శ్రమించారు. కానీ ఎట్టకేలకు చంద్రబాబుకు బెయిల్ మంజూరైంది. అది బేషరతుగా. స్కిల్ కేసులో చంద్రబాబుకు వ్యతిరేకంగా ఎలాంటి ఆధారాలూ సీఐడీ చూపించలేదని కోర్టు విస్పష్టంగా తేల్చేసింది. దీంతో వైసీపీకి మళ్ళీ బ్యాడ్ టైమ్ స్టార్ట్ అయినట్లేనని రాజకీయ వర్గాలు భావిస్తున్నాయి.

 చంద్రబాబు అరెస్టుకు ముందు అధికార పార్టీ వైసీపీ తీవ్రంగా ఉక్కిరిబిక్కిరి అయ్యే పరిస్థితి ఉండేది. ఒకవైపు టీడీపీ అధికార ప్రతినిధి నారా లోకేష్ యువగళం పాదయాత్ర, చంద్రబాబు ప్రాజెక్టుల పరిశీలన, బస్సు యాత్ర, జనసేన అధినేత పవన్ కళ్యాణ్   వారాహీ యాత్ర  జగన్ మోహన్ రెడ్డి ప్రభుత్వాన్ని ముప్పుతిప్పలు పెట్టాయి. ప్రతిపక్షాలు సంధించే ఒక్కో ప్రశ్నకు ప్రభుత్వం వద్ద సమాధానం లేక వైసీపీ నేతలు తెల్ల మొహాలు వేసేవారు. అయితే, చంద్రబాబుఅరెస్టు  తరువాత   వైసీపీకి కొద్దిగా ఊపిరి పీల్చుకుని ఉక్కిరిబిక్కిరి పరిస్థితి నుంచి బయటపడే అవకాశం వచ్చింది.తెలుగుదేశం నిరసనలు, ధర్నాలు హోరెత్తినా.. తెలుగు రాష్ట్రాలలోనే కాదు.. దేశ, విదేశాలలో కూడా చంద్రబాబుకు సంఘీభావంగా జనం బయటకు వచ్చి ఆందోళనలు చేసినా.. ప్రభుత్వ అక్రమాలు, అరాచక పాలన వంటి అంశాల నుంచి ప్రజలను ఏమార్చేందుకు ప్రభుత్వానికి అవకాశం లభించింది. అయితే ఎప్పుడైతే చంద్రబాబు మధ్యంతర బెయిల్ పై బయటకి వచ్చారో మళ్ళీ టీడీపీ, జనసేనలు కలిసికట్టుగా ప్రభుత్వంపై దాడి మొదలు పెట్టారు. ఇక ఇప్పుడు రెగ్యులర్ బెయిల్ కూడా మంజూరు కావడంతో ప్రతిపక్ష నేతలు అప్పుడు ఎక్కడ ప్రజా సమస్యలపై పోరాటం ఆపారో.. మళ్ళీ ఇప్పుడు అక్కడి నుండే మొదలు పెట్టేందుకు సిద్ధమవుతున్నారు. మునుపటి కంటే జోష్ తో తెలుగుదేశం, జనసేన కలిసి ఇప్పుడు ఈ పోరాటం మొదలు పెట్టనున్నారు.

తెలుగుదేశం అధినేత చంద్రబాబు అక్రమ అరెస్ట్ తో లోకేష్ పాదయాత్రకు తాత్కాలిక బ్రేకిచ్చిన సంగతి తెలిసిందే.   హైకోర్టులో చంద్రబాబుకు మధ్యంతర బెయిల్ దక్కింది.. సుప్రీంలో క్వాష్ పిటిషన్ కూడా ఈ నెలాఖరుకి తేలిపోయే ఛాన్స్ ఉంది. ఈ క్రమంలోనే నిలిచిపోయిన లోకేష్ యువగళం పాదయాత్రను కొనసాగించేందుకు నిర్ణయించారు.    రాజోలు నియోజకవర్గంలో పాదయాత్ర ఎక్కడ అయితే తాత్కాలికంగా నిలిచిందో అక్కడ నుంచే కొనసాగించనున్నారు. ముందుగా అనుకున్నట్లు శ్రీకాకుళం జిల్లాలోని ఇచ్చాపురంలో ముగింపు సభ పెట్టాలా.. లేక వైజాగ్ నగరంలోనే భారీ సభతో ముగించాలా అని యోచిస్తున్నట్లు తెలుస్తోంది. యువగళం ముగింపు సందర్భంగా సభ నిర్వహించే విషయమై ఇప్పటికే ఉత్తరాంధ్ర నేతలతో లోకేష్ చర్చలు జరుపుతున్నట్లు సమాచారం.

 కాగా, ఇక ఈ నెలాఖరు నుండి చంద్రబాబు కూడా ప్రజల మధ్యకి వెళ్లనున్నారు. బాబు షూరిటీ భవిష్యత్తు గ్యారంటీ కార్యక్రమాన్ని మళ్లీ తిరిగి ప్రారంభించనున్నారు.  తర్వాత, సాధ్యమైనంత త్వరలో ఆయన ఈ కార్యక్రమాన్ని ప్రారంభించనున్నారు. దీంతో పాటు చంద్రబాబు కోసం మరో కొత్త కార్యక్రమాన్ని కూడా రూపొందిస్తున్నట్లు తెలుస్తుంది. అయితే, దాదాపు మూడు నెలల తర్వాత మళ్ళీ ప్రజల మధ్యకి రానున్న చంద్రబాబు ఏం మాట్లాడతారు? ప్రజలకు ఏం చెప్పనున్నారన్నది రాజకీయ వర్గాలలో ఆసక్తికరంగా మారింది. తనపై అక్రమ కేసులు పెట్టి ఎలా వేధిస్తున్నారన్నది చంద్రబాబు ప్రజలకి వివరిస్తే వైసీపీకి మరింత నష్టం తప్పదనే భావన ఉంది. చంద్రబాబు అక్రమ అరెస్గు తరువాత ఆబాలగోపాలానికి బాబు వ్యక్తిత్వ ఔన్నత్యం తెలిసింది. చంద్రబాబు విజన్, చంద్రబాబు గొప్పతనం గురించి ఊరూరా చర్చ జరిగింది. రాజకీయాలతో సంబంధం లేని వారు కూడా బయటకు వచ్చి బాబు రాష్ట్రానికి, దేశానికి చేసిన మేలు గురించి వివరించారు. దీంతో ఇప్పుడు జనం చంద్రబాబు కోసం ఎదురు చూస్తున్న పరిస్థితి ఏర్పడింది.  అందుకే చంద్రబాబు పర్యటనలకు జనం పోటెత్తడం ఖాయమన్న అంచనాలున్నాయి. అలాగే ప్రజా సమస్యలపై తెలుగుదేశం, జనసేన ఉమ్మడి కార్యాచరణ మొదలైంది. మొత్తంగా చూస్తే చంద్రబాబుకు పూర్తి స్థాయి బెయిల్ దక్కడంతో ఇక వైసీపీకి డౌన్ ఫాల్ ప్రారంభమైందని పరిశీలకులు విశ్లేషిస్తున్నారు.  

By
en-us Political News

  
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
కాంగ్రెస్, కమ్మూనిస్టుల మద్దతుతో ఎన్నికల బరిలోకి దిగిన ఏబీవీకి ఘోర పరాజయం ఎదురైన సంగతి తెలిసిందే. కమ్యూనిస్టులకు అంతో ఇంతో పట్టున్న ప్రాంతాలలో కూడా ఆయనకు ఓట్లు రాలలేదు. ఇక కాంగ్రెస్ మద్దతు ఆయనకు ఎందుకూ కొరగాకుండా పోయింది. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.