ఆంధ్రప్రదేశ్ ఎన్నికలలో వంద శాతం ఫలితాలను సాధించిన జనసేన.. ఆ మ్యాజిక్ ను మళ్లీ మహారాష్ట్రలో రిపీట్ చేసింది. మహారాష్ట్ర ఎన్నికలలో జనసేనాని, ఆంధ్రప్రదేశ్ ఉప ముఖ్యమంత్రి పవన్ కల్యాణ్ రెండు రోజుల పాటు ప్రచారం చేసిన సంగతి తెలిసిందే. మహారాష్ట్రలో తెలుగువారు అధికంగా నివసించే పుణె, బల్లాల్ పూర్, షోలాపూర్, తాలూర్, డెగ్లూర్ తదితర నియోజకవర్గాలలో ప్రచారం నిర్వహించారు.

ఆయన ప్రచారానికి అక్కడి జనం నుంచి బ్రహ్మాండమైన స్పందన వచ్చింది. తన ప్రచారంలో భాగంగా ఆయన రోడ్ షోలు, బహిరంగ సభలలో పాల్గొన్నారు. ఆయన ప్రచారం చేసిన అన్ని నియోజకవర్గాలలోనూ బీజేపీ కూటమి ఘన విజయం సాధించింది. దీంతో పవన్ కల్యాణ్ మహారాష్ట్రలోని హండ్రడ్ పర్సంట్ విన్ మ్యాజిక్ ను రిపీట్ చేశారని జేనసేన శ్రేణులు అంటున్నాయి.