కాళేశ్వరం కమిషన్  చీఫ్ జస్టిస్ చంద్రఘోష్ ఎదుట బుధవారం కేంద్ర జల శక్తి సలహాదారు వెదిరె  శ్రీరామ్ హాజరయ్యారు.   ఇంజనీర్లపై చంద్రఘోష్ సీరియస్ అయ్యారు.  మూడో రోజు  విచారణలో ‘‘ నిజాలను దాచినా, నిజాలను బై పాస్ చేసినా? మేము బయటకు తీస్తాం’’  అని కమిషన్ చైర్మన్ హెచ్చరించారు. నిజాలను దాచి బైపాస్ చేసే ప్రయత్నం చేస్తే  నేనే స్వయంగా  చర్యలు తీసుకుంటా అని చంద్రఘోష్ మండిపడ్డారు. ఇంజినీర్లు మర్చిపోయా, తెలియదు, గుర్తు లేదు వంటి పదాలు పదే పదే చెప్పడం చూస్తే నిజాలను దాచి బైపాస్ చేసే ప్రయత్నం చేస్తున్నట్టు కనబడుతుందని చంద్రఘోష్ అసహనం వ్యక్తం చేశారు. అఫిడవిట్ లో చేర్చిన అంశాలకు పొంతన లేని సమాధానాలు వస్తున్నాయన్నారు.  ఇంజినీర్లు అంకిత భావంతో పని చేస్తే  బ్యారేజిలు  ఎందుకు కొట్టుకుపోతాయి అని చంద్రఘోష్ ప్రశ్నించారు.