యుద్ధం ఆగదు అని ఇరాన్ కుండబద్దలు కొట్టేసింది. అమెరికాతో 48 గంటలు కాల్పుల విరమణ ప్రతిపాదనను నిర్ద్వంద్వంగా నిరాకరించింది.  అయితే ఈ విషయాన్ని మాటలతో కాకుండా చేతలతో చేసి చూపించింది. అమెరికా స్థావరాలు, జెట్లు లక్ష్యంగా దాడులను తీవ్రతరం చేసింది.  గురువారం (ఏప్రిల్ 2) అమెరికా ఇరాన్ కు 48 గంటల కాల్పుల విరమణ శాంతి ప్రతిపాదనను పంపింది.

ఆ ప్రతిపాదనకు సమాధానమా అన్నట్లు ఇరాన్ దాడులను తీవ్రతరం చేసింది.  కువైట్‌లోని బుబియాన్ దీవిలో ఉన్న అమెరికా సైనిక స్థావరంపై ఇరాన్ దాడి చేసింది. దీంతో ఇరాన్ సైనిక సామర్ధ్యన్ని అంచనావేయడంలో విఫలమైన విషయాన్ని గుర్తించిన అమెరికా  కాల్పుల విరమణ    ప్రయత్నాలు మొదలెట్టింది.  అయితే అమెరికా ప్రతిపాదనలను రెండో ఆలోచన లేకుండా తిరస్కరించిన ఇరాన్ దాడులకు ముమ్మరం చేసింది.  

హర్మూజ్ జలసంధి సమీపంలో అమెరికాకు చెందిన A-10 "వార్తాగ్‌" యుద్ధ విమానాన్ని ఇరాన్  గగనతల రక్షణ వ్యవస్థలు కూల్చివేశాయి. ఈ విషయాన్ని ఇరాన్ ధృవీకరించింది.  అంతకుముందు,   F-35 ఫైటర్ జెట్‌ను కూడా నేలకూల్చినట్లు ఐఆర్ జీసీ ప్రకటించింది.    అలాగే అమెరికాకు చెందిన బ్లాక్ హాక్ హెలికాప్టర్‌ను కూడా కూల్చి వేసింది.