Publish Date:Feb 24, 2023
తెలంగాణ ముఖ్యమంత్రి కేసీఆర్ రాజకీయ వ్యూహాలు, ఎత్తుగడలు యుద్ధ తంత్రాన్ని తలపంప చేస్తాయి. ఆయన అవసరానికి బొంత పురుగును కూడా ముద్దు పెట్టుకోవడానికి వెనుకాడరు.. ఈ మాట ఎవరో అన్నది కాదు స్వయంగా కేసీఆరే. ఆయన రాజకీయ చాణక్యం ముందు నరేంద్ర వంటి ఎందరో నేతలు సోదిలోకి లేకుండా పోయారు. తెలంగాణ ఉద్యమ సమయంలో ఎందరో నేతలు ఆయన పంచన చేరి ఆ తరువాత కనుమరుగైపోయారు.
తెలంగాణ ఆవిర్భావం తరువాత కూడా ఉద్యమ సమయంలో తనతో కలిసి నడిచిన ఎందరో నేతలను ఆయన పక్కన పెట్టేశారు. ఇప్పుడు తెలంగాణ కాదు.. జాతీయ స్థాయి రాజకీయాలు అంటూ ఆయన చేసిన చేస్తున్న ప్రసంగాలకుఆకర్షితులై గతంలో ఆయనతో విభేదించో.. లేక ఆయనకే నచ్చకో దూరం అయిన వారిని మళ్లీ అక్కున చేర్చుకున్నారు. పిలిచి మరీ పార్టీ కండువా కప్పారు. పార్టీలో చేరే వరకే ఆ తరువాత వారికి ఎటువంటి ప్రాధాన్యం లేకుండా పోయింది. దాసోజు శ్రవణ్, స్వామిగౌడ్, బిక్షమయ్యగౌడ్ వంటి నేతలు ఘర్ వాపసీ అంటూ బీఆర్ఎస్ కండువా కప్పుకున్న తరువాత పార్టీలో వారి అతీగతీ పట్టించుకునే నాథుడే కరవయ్యారు.
అలాగే మోత్కుపల్లి.. కేసీఆర్ నిజమైన దళిత బంధుగా కేసీఆర్ ను అభివర్ణించి పంచన చేరి ఈ నాడు ఎక్కడున్నారో.. ఏం చేస్తున్నారో కూడా ఎవరికీ తెలియని పరిస్థితిలో ఉన్నారు. కేసీఆర్ పార్టీలోకి ఆహ్వానించినా.. పార్టీ నుంచి బయటకు పంపేసినా ఏ పని చేసినా అవసరం వినా మరో మాటకు తావే ఉండదని రాజకీయ వర్గాలలో ఓ టాక్ జోరుగా ఉంటోంది. నేతలను ఇలా కూరలో కరివేపాకులా వాడుకున్న ఆయన తీరు కారణంగానే తెరాస భారాసగా మారిన తరువాత రాజకీయంగా ఆయన తెలంగాణలో వెనుకబడే పరిస్థితి వచ్చిందని పరిశీలకులు అంటున్నారు. తెలంగాణలో వెనుక బాటు అన్నంత మాత్రాన ఇతర రాష్ట్రాలలో బీఆర్ఎస్ దూసుకు పోతోందని కాదు.. విస్తరణ ప్రయత్నాలు కూడా అంతంత మాత్రంగానే ఉన్నాయని పరిశీలకులు విశ్లేషిస్తున్నారు.
అసెంబ్లీ ఎన్నికలు దగ్గర పడుతున్న తరుణంలో కేసీఆర్ ఎవరికి టికెట్లు ఇస్తారు? ఎవరికి మొండి చేయి చూపుతారు అన్న చర్చ బీఆర్ఎస్ శ్రేణుల్లో జోరుగా సాగుతోంది. ఘర్ వాపసీల తో అయితేనేమీ, ఆపరేషన్ ఆకర్ష్ తో అయితేనేమి.. బీఆర్ఎస్ పార్టీ రాష్ట్రంలోని అన్ని నియోజకవర్గాలలోనూ హౌస్ ఫుల్ అయిపోయింది. ఇప్పుడు ఏ నియోజకవర్గంలో ఎవరికి పార్టీ టికెట్ కేటాయించినా అసమ్మతి, అసంతృప్తి భగ్గు మనడం ఖాయం.
అంతేనా.. దాదాపు ప్రతి నియోజకవర్గంలోనే రెబల్స్ బెడద అధికంగా ఉండే అవకాశాలే మెండుగా ఉన్నాయి. ఏళ్ల తరబడి నామినేటెడ్ పోస్టులు కూడా భర్తీ చేయకుండా నాన్చిన ఫలితంగా ఇప్పుడు ఆ నామినేటెడ్ పోస్టుల భర్తికీ కేసీఆర్ పచ్చ జెండా ఊపినా.. ఎవరికి పదవి ఇస్తే ఎవరికి కోపం వస్తుందో అన్న జంకు పార్టీ వర్గాల్లో వ్యక్తం అవుతోంది. ఈ పరిస్థితుల్లో బీఆర్ఎస్ అసెంబ్లీ ఎన్నికలను ఎదుర్కోవడం, ఎదుర్కొని గెలుపు బాట పట్టడం అంత సులభ సాధ్యం కాదన్న అభిప్రాయం పార్టీ శ్రేణుల్లోనే వ్యక్తం అవుతోంది.
By Teluguone
en-us
Political News
http://www.teluguone.com/news/content/hard-time-to-brs-in-telangana-39-151848.html
ఎంఐఎం ఎమ్మెల్యే అక్బరుద్దీన్ ఒవైసీ మరోసారి కీలక వ్యాఖ్యలు చేశారు.
చిన్న శ్రీనుకు విజయనగరం జిల్లా తెలుగుదేశం అధ్యక్ష బాధ్యతలను అప్పగించనున్నారన్న ప్రచారం జోరుగా సాగుతోంది. అయితే ఈ విషయంలో అధికారికంగా తెలుగుదేశం హై కమాండ్ నుంచి ఎటువంటి ప్రకటన కానీ, సంకేతం కానీ రాలేదు.
బీజేపీ, తెలుగుదేశం పొత్తు విచ్చిన్నం చేయడంలో అప్పట్లో తాను సక్సెస్ అయ్యానని విజయసాయి రెడ్డి విస్పష్టంగా చెప్పడంతో.. అసలు నాడు ఈ రెండు పార్టీల పొత్త విచ్ఛిన్నం కావడానికి దారి తీసిన పరిస్థితులపై పెద్ద ఎత్తున చర్చ జరుగుతోంది.
నిన్నగాక మొన్న ఇదే మోడీ నాయకత్వంలోని ఎన్డీయే సర్కార్ కు వ్యతిరేకంగా పోరాడటానికి సిద్ధంగా ఉన్నానని ప్రకటించిన జగన్, ఇప్పుడు ఆదే మోడీ నాయకత్వాన్ని ప్రస్తుతిస్తూ ప్రశంసలు కురిపించడం ద్వంద్వ వైఖరి కాక మరేమిటని పరిశీలకులు ప్రశ్నిస్తున్నారు.
. ఇక షర్మిల విజయ్ ను కలిసి తన కుమార్తె వివాహానికి హాజరు కావాల్సిందిగా కోరుతూ పెళ్లి శుభలేక అందించడం ప్రాధాన్యత సంతరించుకుంది. ఎందు కంటే కేంద్ర స్థాయిలో కాంగ్రెస్ తో పొత్తు విషయంలో విజయ్ నేతృత్వంలోని టీవీకే పార్టీ కూడా కీలకంగా ఉంది. అలాగే తమిళనాడులో విజయ్ నేతృత్వంలోని ప్రభుత్వంలో కాంగ్రెస్ భాగస్వామి.
లౌకిక స్వభావం కలిగిన ఆంధ్రప్రదేశ్ రాజకీయాల్లోకి మతపరమైన అంశాలను జొపపించడానికి విజయసాయి ప్రయత్నిస్తున్నారని పరిశీలకులు విశ్లేషిస్తున్నారు. ఇక తమ ప్రసంగాల్లో, మీడియా సమావేశాలలో విజయసాయిరెడ్డి ప్రస్తావిస్తున్న అంశాలు ఆ విశ్లేషణలకుబలం చేకూరుస్తున్నాయి.
ఇప్పటికే తనపై 45 ఎఫ్ఐఆర్ లు ఉన్నాయన్న ఆయన తన టార్గెట్ వంద ఎఫ్ఐఆర్ లు అని చెప్పారు. అంతే కాదు.. వాటిని తాను ప్రజల పక్షాన నిలబడినందుకు దక్కిన మెడల్స్ గా భావిస్తానన్నారు. రాహుల్ చేసిన వ్యాఖ్యలు ఇప్పుడు దేశ వ్యాప్తంగా హాట్ టాపిక్ గా మారాయి.
విపక్షాల నిరసనల నేపథ్యంలో పోలీసులు ఢిల్లీలో విస్తృత బందోబస్తు ఏర్పాట్లు చేశారు. పలు ప్రాంతాల్లో బారికేడ్లు ఏర్పాటు చేయడంతో పాటు వేలాది మంది భద్రతా సిబ్బందిని మోహరించారు. ట్రాఫిక్ మళ్లింపులు కూడా చేపట్టారు. జంతర్ మంతర్, పార్లమెంట్ పరిసరాలు, ఎన్నికల సంఘం కార్యాలయం వైపు వెళ్లే మార్గాల్లో ప్రత్యేక నిఘా కొనసాగుతోంది.
ధనుష్ తన కొత్త రాజకీయ పార్టీ కోసం తమిళగ ఎళుచ్చి కళగం అనే పేరును ఖరారు చేసినట్లు ప్రచారం జరుగుతోంది. అలాగే.. ఈ పేరుతో ఇప్పటికే కేంద్ర ఎన్నికల సంఘం వద్ద పార్టీ రిజిస్ట్రేషన్ ప్రక్రియ కూడా పూర్తయ్యిందని అంటున్నారు.
ఒక దశలో తన రిటైర్మెంట్ తరువాత టీడీపీలో చేరేందుకు కూడా తాను సిద్ధపడ్డాననీ, అవసరమైతే ఎన్నికల బరిలో దిగడానికి కూడా రెడీ అయ్యాయనీ చెప్పిన ఏబీ వెంకటేశ్వరరావు, అ
బీసీ మోర్చా రాష్ట్ర అధ్యక్షుడు ప్రకాశ్ పాల్, ప్రముఖ దళిత నేత, మాజీ ఎంపీ విద్యాసాగర్ సోన్‌కర్, అలాగే అలహాబాద్ హైకోర్టు బార్ అసోసియేషన్ అధ్యక్షుడిగా రెండుసార్లు బాధ్యతలు నిర్వర్తించిన రాధాకాంత్ ఓఝా వంటి వారికి చోటు లభించింది.
జిల్లాలో పార్టీ పరిస్థితి వేగంగా దిగజారిపోతోంది. మజ్జి పార్టీని వీడటంతో జాగ్రత్త పడాల్సిన పార్టీ హైకమాండ్, అలాగే బొత్స సత్యనారాయణ చేతులెత్తేసినట్లు కనిపిస్తోంది. అంతే కాకుండా కూర్చున్న కొమ్మనే నరుక్కున్న చందంగా అసంతృప్తులను బుజ్జగించాల్సింది పోయి వారిపై సస్పెన్షన్ వేటు వేయడంతో జిల్లాలో పార్టీని జీరో నుంచి బిల్డ్ చేద్దామనుకుంటున్నారా? లేక జిల్లా పార్టీని వదిలేశారా అన్న అనుమానాలు పార్టీ శ్రేణుల నుంచే వస్తున్నాయి.
