జమిలి ఎన్నికలపై మళ్ళీ చర్చ ..

Publish Date:Sep 24, 2022

Advertisement

కేంద్ర పభుత్వం జమిలి ఎన్నికల అంశాన్ని మరో మారు తెరమీదకు తెస్తోందా? ఆ దిశగా అడుగులు వేస్తోందా? అంటే, అవుననే సమాధానమే వస్తోంది. నిజానికి, 2014లో ప్రధాని నరేంద్ర మోడీ సారథ్యంలో బీజేపీ ప్రభుత్వం ఏర్పడినప్పటి నుంచీ కేంద్ర ప్రభుత్వం అదే ప్రయత్నాలలో ఉందనేది  తెలిసిన విషయమే. అయితే, రాజకీయ సంక్లిష్టత నడుమ, ఆ ఆలోచన కార్యరూపం దాల్చలేదు. అయితే అందుకు అవసరమైన కసరత్తు మాత్రం ఆగలేదు.

మరో వంక కేంద్ర ఎన్నికల సంఘం మొదటి నుంచి జమిలి ఎన్నికల వైపే మొగ్గు చూపుతోంది. అలాగే, మేథావులు, సామాజిక, రాజకీయ విశ్లేషకులు చాలా వరకు జమిలి ఎన్నికల విషయంలో సానుకూలంగా స్పందిస్తున్నారు. దేశంలో  సంవత్సరం పొడుగునా ఎక్కడో అక్కడ ఎన్నికలు జరగడం వలన ప్రజాధనం దుర్వినియోగం కావడంతో పాటు , పరిపాలన కుంటుపడుతోందనే అభిప్రాయం వ్యక్తమవుతోంది. ఈ నేపధ్యంలోనే కేంద్ర ప్రభుత్వం జమిలి వైపు మెల్లగా అడుగులు వేస్తోందని అధికార, రాజకీయ వర్గాల్లో చర్చ జరుగుతోంది. ఇందుకు సంబంధించి, ఈ సంవత్సరం జులైలో జరిగిన పార్లమెంట్ సమావేశాల్లో కేంద్ర ప్రభుత్వం కీలక ప్రకటన చేసింది, లోక్‌సభతో పాటు రాష్ట్రాల అసెంబ్లీలకు ఒకేసారి ఎన్నికలు నిర్వహించే అంశం లా కమిషనర్ పరిశీలనలో వుందని తెలిపింది. జమిలి ఎన్నికలపై పార్లమెంటరీ స్టాండింగ్ కమిటీ, సీఈసీతో చర్చించామని కేంద్రం పేర్కొంది.  

జమిలి ఎన్నికలపై అనేక భాగస్వామ్య పక్షాలతోనూ చర్చించామని కేంద్ర ప్రభుత్వం స్పష్టం చేసింది.  స్టాండింగ్ కమిటీ నివేదికలో కొన్ని ప్రతిపాదనలు, సిఫార్సులు చేసిందని తెలిపింది. నివేదిక ఆధారంగా సాధ్యాసాధ్యాలపై అధ్యయనం చేసిందని పేర్కొంది. ఎనిమిదేళ్లలో రూ.7 వేల కోట్లకు పైగా ఎన్నికల వ్యయం అయ్యిందని కేంద్రం తెలిపింది. వేర్వేరుగా ఎన్నికలు నిర్వహించడం వల్ల భారీగా ప్రజాధనం ఖర్చవుతుందని కేంద్ర ప్రభుత్వం స్పష్టం చేసింది. అంటే కేంద్ర ప్రభుత్వం జమిలి ఎన్నికల ప్రతిపాదనను అటకెక్కించలేదనే విషయం స్పష్టమైంది.  స్టాండింగ్ కమిటీ నివేదికపై సాధ్యాసాద్యాలను పరిశీలింస్తోంది. మరో వంక రాజకీయ ఏకాభిప్రాయానికీ ప్రయత్నాలు సాగిస్తోంది.ఈ నేపధ్యంలో, లోక్‌సభకు, శాసనసభకు 2024లో ఒకేసారి ఎన్నికలు జరుగనున్నాయని తమిళనాడు మాజీ ముఖ్యమంత్రి  అన్నాడీఎంకే తాత్కాలిక ప్రధాన కార్యదర్శి ఎడప్పాడి పళనిస్వామి చేసిన వ్యాఖ్యలు ప్రాధాన్యతను సంతరించుకున్నాయి.

సందర్భం ఏదైనా ఆయన సంకల్పం ఇంకేదైనా బీజేపీ మిత్రపక్షం అన్నాడీఎంకే నాయకుడిగా ఆయన చేసిన వ్యాఖ్యలను తేలిగ్గా తీసివేయలేమని రాజకీయ విశ్లేషకులు సైతం పేర్కొంటున్నారు. అయితే ప్రస్తుత రాజకీయ పరిస్థితులలో జమిలి ఎన్నికలు సాధ్యమా అంటే,  అవునని కానీ, కాదని కానీ, చెప్పే పరిస్థితి లేదని పరిశీలకులు అంటున్నారు. మరో వంక జమిలి ఎన్నికలు జరిగితే 2024లో జరుగుతాయా లేక అంతకు ముందుగానే,  2023లో తెలంగాణ సహా మరికొన్ని రాష్ట్రాల అసెంబ్లీ ఎన్నికలతో పాటుగా దేశమంతా ఒకేసారి ఎన్నికలు నిర్వహిస్తారా? అదే జరిగితే, రాన్నున్న ఐదారు నెలలో జరగనున్న గుజరాత్ సహా ఐదారు రాష్ట్రాల  అసెంబ్లీ ఎన్నికలు వాయిదా వేస్తారా? అప్పటికి ఐదేళ్ళ గడవు ముగియని రాష్ట్ర అసెంబ్లీల రద్దుకు ఆయా రాష్ట్రాలలో అధికారంలో ఉన్నా తృణమూల్ కాంగ్రెస్ వంటి ప్రాంతీయ పార్టీలు ఎంతవరకు  ఒప్పుకుంటాయి? రాజ్యాంగ సవరణ అవసరం అనుకుంటే, అది సాధ్యమవుతుందా? ఇలా చాలా ప్రశ్నలకు సమాధానం చెప్పవలసి ఉంటుందని పరిశీలకులు భావిస్తునారు.

జమిలి ఎన్నికల వలన ఎవరికి ప్రయోజనం అనే చర్చకూడా జరుగుతోంది. సహజంగా, జమిలి ఎన్నికలు జరిగితే, ప్రాంతీయ పార్టీల కంటే, జాతీయ పార్టీలదే పై చేయి అవుతుంది. అందుకే ప్రాంతీయ పార్టీలు జమిలి ఎన్నికలను ఎంతవరకు స్వాగతిస్తాయనేది సందేహమే అంటున్నారు. అయితే, తెరాస సహా మరి కొన్ని ప్రాంతీయ పార్టీలు జమిలి ఎన్నికలకు సమ్మతి తెలియచేశాయి.  2018లో లా కమిషన్ రాజకీయ పార్టీల నుంచి అభిప్రాయాలు స్వీకరించిన సమయంలో  తెరాస  తరఫున ఆపార్టీ నేత, (అప్పటి ఎంపీ) వినోద్ కుమార్ నేతృత్వంలోని టీఆర్ఎస్ బృందం లా కమిషన్‌ను కలిసి జమిలి ఎన్నికలకు సంపూర్ణ మద్దతు ప్రకటించింది. అంతే కాకుండా ఇది మోడీ ఆలోచన కాదని జమిలి ఎన్నికలపై 1983 నుంచి జాతీయ లా కమిషన్ చర్చిస్తోందని వినోద్ కుమార్ గుర్తు చేశారు.అలాగే అప్పట్లో మరి కొన్ని పార్టీలు కూడా సానుకులంగా స్పందించాయి.  అయితే దేశంలో మారిన రాజకీయ పరిస్థితుల నేపధ్యంలో,ముఖ్యంగా ఉత్తర ప్రదేశ్ సహా ఐదు రాష్ట్రాల అసెంబ్లీ ఎన్నికల తర్వాత  ‘డబుల్ ఇంజిన్ సర్కార్’ స్లోగన్ తెరపైకొచ్చిన నేపధ్యంలో  ప్రాంతీయ పార్టీలు జమిలి ఎన్నికలకు ఆమోదించక పోవచ్చని అంటున్నారు.

అయితే,  బీజేపీ మాత్రం కేంద్రంలో హట్రిక్ సాధించేందుకు జమిలి తారక మంత్రం అవుతుందనే అభిప్రాయంతో ఉందని, కాబట్టి,  2024కు కాస్త ముందు వెనకా అయినా జమిలి ఎన్నికలకు వెళ్ళే అవకాశాలే ఎక్కువగా కనిపిస్తున్నాయని అంటున్నారు. అయితే, అంతిమంగా ఏమి జరుగుతుందనేది ప్రస్తుతానికి అయితే... ప్రశ్నగానే ఉందని అంటున్నారు.

By
en-us Political News

  
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.