బీజేపీ సీనియర్ నేత మరియు కేంద్ర మంత్రి అయిన బండారు దత్తాత్రేయ చాలా ఏళ్లుగా దసరా పండుగ సందర్భంగా అలయ్ బలయ్ అనే కార్యక్రమం నిర్వహిస్తున్నారు. ప్రతీ ఏటా నిర్వహించే ఆ కార్యక్రమానికి అన్ని పార్టీలకి చెందిన రాజకీయ నాయకులను ఆహ్వానిస్తుంటారు. ఈసారి విశేషం ఏమిటంటే జనసేన అధ్యక్షుడు పవన్ కళ్యాణ్ న్ని కూడా ఆయన ఆ అలయ్ బలయ్ కార్యక్రమానికి ఆహ్వానించారు. నిన్న ఆయన బీజేపీ ఎమ్మెల్యే డా. లక్ష్మణ్ తో కలిసి రామానాయుడు స్టుడియోలో ‘సర్దార్ గబ్బర్ సింగ్’ సినిమా షూటింగులో బిజీగా ఉన్న పవన్ కళ్యాణ్ న్ని కలిసి ఆహ్వానించారు. వీలు కుదిరితే తప్పకుండా వస్తానని పవన్ కళ్యాణ్ చెప్పినట్లు సమాచారం.