చేపమందు పంపిణీకి వేలాది మంది అస్తమా వ్యాధిగ్రస్తులు తరలివచ్చారు, దీంతో అక్కడ తొక్కిసలాట జరిగింది. ఈ తొక్కిసలాటలో ఇరవై మంది గాయపడ్డారు. గాయపడ్డ వారి పరిస్థితి విషమంగా ఉంది, వారిని ఆసుపత్రికి తరలించారు. ఒకరు చికిత్స పొందుతూ మరణించారు. శుక్రవారం ఉదయం ఎనిమిది గంటల తర్వాత చేపమందు పంపిణీ ప్రారంభమైంది. దీంతో అస్తమా బాధితులు అందరూ ఒక్కసారిగా లోపలకు వచ్చే ప్రయత్నం చేశారు. దీంతో అక్కడ తీవ్రమైన తొక్కిసలాట చోటు చేసుకుంది. అయితే చేపమందు కోసం మన రాష్ట్రంలో నుంచే కాకుండా ఇతర రాష్ట్రాల నుంచి ప్రజలు నిన్ననే నగరానికి చేరుకున్నారు. మంచినీరు, ఆహారం సౌకర్యం లేక ప్రజలు ఇబ్బందులకు గురయ్యారు.