రామ్ కి నచ్చలేదు..చైతుకి నచ్చింది

on Jul 30, 2015

నాగ చైతన్య ప్రేమమ్ సినిమా తెగ నచ్చేసిందట. ఆ సినిమాని ఎలాగైన రీమేక్ చేయాలని ఆశ పడుతున్నాడట. ముందుగా ఈ సినిమాని ఎనర్జిటిక్ హీరో రామ్ చేస్తాడని అంతా టాం టాం అయింది. దీనిపై స్పందించిన రామ్ ఆ సినిమా పేరు నాకేం తెలీదు. ఇంకా రీమేకా..? అంటూ గాలి తీసేశాడు. ఇప్పుడు ఆ సినిమా చూసిన అక్కినేని వారి పిల్లగాడు ఎలాగైనా ఈ సినిమా చేసి తీరాలని పట్టుబట్టి కూర్చున్నాడట. చైతూ అంత పట్టు పట్టడానికి కారణం వుంది. మనోడికి కలిసొచ్చింది అక్కినేని మార్క్ ప్రేమకథలే. మాస్ స్టైల్ ఆసలు వర్కౌట్ కాలేదు. ప్రేమమ్ సినిమా రొమాంటిక్ కామెడీ పైగా మలయాళంలో సూపర్ హిట్. అందుకే ఈ సినిమాని తెలుగు తెరకి ఎక్కించి ఓ హిట్ కొట్టాలని ప్రయత్నిస్తున్నాడట. అన్నీ కలిసొస్తే చైతూ ప్రేమమ్ తో హిట్ కొట్టడం ఖాయమని ఇండస్ట్రీ టాక్.