బన్నీ- త్రివిక్రమ్ నాన్నను వదలరా!!
on Mar 16, 2019
బన్నీ- త్రివిక్రమ్ కాంబినేషన్ లో జులాయి, సన్నాఫ్ సత్యమూర్తి చిత్రాలు వచ్చిన విషయం తెలిసిందే. `సన్నాఫ్ సత్యమూర్తి`లో తండ్రి అకాల మరణంతో తండ్రి బాధ్యతలన్నీ తనయుడు భుజాలపై వేసుకుని చివరకు తండ్రి పేరు ఎలా నిలబెట్టాడు అన్నది సినిమా. అయితే ప్రజంట్ వీరిద్దరి కలయికలో ఓ సినిమా రాబోతున్న సంగతి కూడా తెలిసిందే. ఈ సినిమా కూడా తండ్రి, కొడుకుల సెంటిమెంట్ తో ఉంటుందట. దీంతో ఈ సినిమాకు `నాన్న -నేను` అనే టైటిల్ నిర్ణయించాలని దర్శకుడు భావిస్తున్నాడట. ఇందులో తండ్రి పాత్రలో బాలీవుడ్ నటుడు బొమన్ ఇరానీని తీసుకున్నట్లు సమాచారం అందుతోంది. అల్లు అర్జు న్ సరసన పూజా హెగ్డే, కేథరిన్ హీరోయన్స్ గా నటిస్తున్నట్లు వార్తలు వస్తున్నాయి. ఈ నెలలోనే రామ్ చరణ్ బర్త్ డే రోజు రెగ్యులర్ షూటింగ్ ప్రారంభం కానుందట. ఇక నాన్న నేను అనే టైటిల్ పెడుతానున్నారని తెలిసిన నాటి నుంచి అటు సినీ వర్గాలు, ఇటు ప్రేక్షకులు నాన్నను త్రివిక్రమ్ వదలడా అంటూ చెప్పుకొస్తున్నారు.