TeluguOne Services
Copyright © 2000 - , TeluguOne Sahityam - All rights reserved.
నిన్ను మార్చేదాకా - చిమ్మపూడి శ్రీరామమూర్తి
నిన్ను మార్చేదాకా...........
చిమ్మపూడి శ్రీరామమూర్తి
మోపెడు సహనాన్ని నా తల మీద ఎత్తి
మోజులు తీర్చుకునే పశువు నువ్వు.
ఇప్పుడు నేనో నెత్తురు చిరునామాను.
నా శవాన్ని నేను చూసుకునేదాకా
వదల్లేదు నువ్వు.
మూడు ముళ్ళ చితి మీద
అమ్మా-నాన్నా పడుకోబెట్టినప్పుడే అనుకున్నా-
కోరికలతో నువ్వు రెడీగా వుంటావని.
బుసకొట్టే కోరికల పాముల నన్ను చుట్టేస్తుంటే
నాలోని నన్ను చంపెసుకున్నా.
నా నిరీక్షణ కన్నీళ్ళ మీద కాగితప్పడవై
నన్ను వెక్కిరిస్తూనే వుంది.
ఈ కీర్తి కిరీటాలు, కలికితురాయిలు నాకెందుకు?
నువ్వే తీసుకుపో.
నలుడిలా, హరిశ్చంద్రుడిలా,ధర్మరాజులా
నువ్వూ ఓ మగాడివే!
నా ఊహల నుంచి జారిపోతున్న ఆశను
ఇంధనం చేసుకున్నావు.
రిజర్వేషన్లు, వాక్కులూ, బిల్లులూ, కోటాలు.....వట్టి ట్రాష్.
ఆపద్దర్మంగా నువ్వు జపించే మంత్రాలం.
ఇప్పుడు నాదారి నిండా ఉద్యమాన్ని పరుచుకున్నా
నేనిప్పుడు అక్షరాల వెలుగు నీళ్లతో
ముఖం కడుక్కున్నా, నిద్రపోను నిన్ను మార్చేదాకా....
క్రొత్త పాత కోరికల్ని కలబోసి మస్తిష్కపు బస్తాల్లో ఉబ్బేట్టుగా నింపి చిరుకోర్కెనైనా విడువనిష్టపడక బలమైన ఆశలబంధంతో కుట్లువేసి కాలం రథమ్మీద ప్రయాణిస్తూ శోభకృత్ పొలిమేర దాటుకుంటూ క్రోధి గ్రామం చేరుకుంటూ సగటు ఓటరు మహాశయులు!
Apr 8, 2024
శిశిరంలో చలిపులి గజదొంగగారు నిత్యంతనువంతా తీవ్రంగా తడిమేస్తూ సిరిసంపదలేం దోచుకోబోయారో దౌర్జన్యాల దాష్టికాలేంజేయబోయారో!
Apr 6, 2024
|
|