TeluguOne Services
Copyright © 2000 - , TeluguOne Sahityam - All rights reserved.
వానల్లు కురవాలి వానదేముడా
వానల్లు కురవాలి వానదేముడా
వరిచేలు పండాలి వానదేముడా
నల్లాని మేఘాలు వానదేముడా
చల్లంగ కురవాలి వానదేముడా
చేలన్ని నిండాలి వానదేముడా
మూనాలు యెదగాలి వానదేముడా
యెన్నులు వెయ్యాలి వానదేముడా
పన్నుగ సేలన్ని వానదేముడా
పంటల్లు పండాలి వానదేముడా
భాగ్యాలు నింపాలి వానదేముడా
పండుగలు సేత్తాము వానదేముడా
మావూరి చెరువైన వానదేముడా
ముంచెత్తి పోవాలి వానదేముడా
కప్పలకు పెళ్ళి వానదేముడా
గొప్పగ సెయ్యాలి వానదేముడా
(వర్షాలు బాగా పండాలంటూ అనాదిగా జానపదులు పాడుకుంటున్న పాట ఇది. కృష్ణశ్రీ సంకలనం చేసిన ‘పల్లెపదాలు’ అనే పుస్తకంలోంచి)
TeluguOne Services
Copyright © 2000 - , TeluguOne Sahityam - All rights reserved.
|