పర్సనల్ ఫొటో షేర్ చేసిన బిగ్ బాస్ బ్యూటీ.. ఒకే బెడ్పై షణ్ముఖ్తో!
on May 3, 2021
సోషల్ మీడియాలో దీప్తి సునయన.. షణ్ముఖ్ జశ్వంత్ లకు ఉన్న క్రేజ్ గురించి ప్రత్యేకంగా చెప్పనక్కర్లేదు. డాన్స్ వీడియోలతో ఈ జంట బాగా ఫేమస్ అయింది. అయితే వీరిద్దరూ ప్రేమలో పడ్డారని గతంలో వార్తలొచ్చాయి. అదే సమయంలో దీప్తి సునయనకు బిగ్ బాస్ సీజన్ 2లో కంటెస్టెంట్ గా ఛాన్స్ రావడంతో ఆమె పాపులారిటీ పెరిగింది. అయితే బిగ్ బాస్ షో నుండి బయటకి వచ్చిన తరువాత దీప్తి.. షణ్ముఖ్ తో వీడియోలు చేయకపోవడంతో ఇద్దరూ బ్రేకప్ చెప్పేసుకున్నారనే వార్తలు షికారు చేశాయి.
షణ్ముఖ్ వేరే అమ్మాయితో ప్రేమలో ఉన్నాడని.. ఆమెనే పెళ్లి చేసుకోబోతున్నాడనే వార్తలు జోరందుకున్నాయి. ఇంతలో చాలా రోజుల తరువాత దీప్తి సునయన, షణ్ముఖ్ ఇద్దరూ కలిసి తెగ షికార్లకు వెళ్తున్నారు. పార్టీల్లో పాల్గొంటూ వాటిని సోషల్ మీడియాలో షేర్ చేస్తూ హడావిడి చేయడం మొదలెట్టారు. ఈ క్రమంలో వీరిద్దరి లవ్ ట్రాక్ హాట్ టాపిక్ గా మారింది. తాజాగా దీప్తి, షణ్ముఖ్ లకు సంబంధించిన ఓ పర్సనల్ ఫోటో బయటకొచ్చింది.
తాజాగా వీరిద్దరూ ఒకే ఇంట్లో ఉన్నట్లుగా బెడ్ పై ఉన్న ఫోటోను షేర్ చేసింది దీప్తి సునయన. తన ఇన్స్టాగ్రామ్ స్టోరీస్ లో ఈ ఫోటోను అభిమానులతో షేర్ చేసుకోవడంతో ఇప్పుడు ఈ ఫోటో వైరల్ అవుతోంది. ఇది చూసిన ఫ్యాన్స్.. ఇద్దరూ ఒకే ఇంట్లో ఉన్నారా..? లేక ఏదైనా షూట్ కోసం కలిశారా..? అని ఆరా తీస్తున్నారు. ఎందుకంటే ఈ జంట వీడియో సాంగ్స్ చేసి చాలా రోజులవుతోంది. దీంతో మరోసారి వీరిద్దరిని కలిసి వీడియో సాంగ్ లో చూడాలని కోరుకుంటున్నారు ఫ్యాన్స్.