బిగ్ బాస్ తెలుగు 10 తొమ్మిదో వారం నామినేషన్స్ రసవత్తరంగా సాగాయి. ఈ వారం నామినేషన్స్ లో వర్షిణి ప్రధాన టార్గెట్ గా మారింది. గత వారం జరిగిన హోటల్ టాస్క్ విషయాన్ని లేవనెత్తుతూ నరేష్ ను నామినేట్ చేసింది వర్షిణి. హోటల్ టాస్క్ లో ఝాన్సీ డబ్బులు అడిగితే నరేష్ ఎందుకు ఇవ్వలేదని ప్రశ్నించింది. దేబ్జానీ చెప్పిన మాట వినే నరేష్ డబ్బులు ఇవ్వలేదని, ఇతరుల మాటలతో గేమ్ ఆడుతున్నాడని ఆరోపించింది. దీంతో నరేష్, వర్షిణి మధ్య మాటల యుద్ధం మొదలైంది.

 

దీనికి నరేష్ ఘాటుగా కౌంటర్ ఇచ్చాడు. ఆ డబ్బులు నావి, నా ఇష్టం, నేను ఎవరికి ఇవ్వాలి, ఎలా ఖర్చు పెట్టాలి అనేది నా ఇష్టమని గతంలోనే చెప్పానని గుర్తు చేశాడు. అదే పాయింట్ ను పదే పదే లాగి తనను టార్గెట్ చేయాల్సిన అవసరం లేదని ఫైర్ అయ్యాడు. పైగా ఇతరుల కోసం ఆడుతున్నావని నన్ను అంటున్నావ్, నువ్వు కూడా రోహిత్, ముఖేష్ కోసమే ఆడుతున్నావ్ కదా అంటూ వర్షిణికి గట్టి కౌంటర్ వేశాడు. నరేష్ కౌంటర్ తో వర్షిణి ఒక్కసారిగా సైలెంట్ అయిపోయింది.

 

అంతటితో ఆగకుండా రామ్ ప్రసాద్ కూడా వర్షిణిని నామినేట్ చేస్తూ సంచలన వ్యాఖ్యలు చేశాడు. వర్షిణి బయటకు ఒకలా ఉండి, లోపల మరోలా ఆలోచిస్తుందని, తన ప్రయోజనాల కోసం నరేష్ ను వాడుకుందని ఆరోపించాడు. హోటల్ టాస్క్ లో నరేష్ తో కలిసి గ్రీన్ జోన్ కు వెళ్దామని ప్లాన్ చేసి, చివరికి తాను వెళ్లలేకపోయినందుకు ఇప్పుడు నరేష్ పై పడుతోందని రామ్ ప్రసాద్ అన్నాడు. దానికి వర్షిణి.. నరేష్ గ్రీన్ జోన్ లోకి వెళ్ళాడు, నేను వెళ్ళలేదని వాదించింది.

 

దీనిపై రామ్ ప్రసాద్ మరోసారి కౌంటర్ ఇస్తూ.. మీ ఇద్దరూ ఒకరికొకరు హెల్ప్ చేసుకున్నారు కదా, అందులో వాడుకోవడం ఏముంది? నువ్వు కూడా నరేష్ సహాయంతోనే సేవ్ అవ్వాలని చూశావని నిలదీశాడు. మొత్తానికి తొమ్మిదో వారం నామినేషన్స్ లో వర్షిణి ఒంటరి అయినట్లు కనిపిస్తోంది. హోటల్ టాస్క్ డబ్బుల వ్యవహారం ఇప్పుడు పెద్ద గొడవగా మారి వర్షిణిని డేంజర్ జోన్ లోకి నెట్టేలా కనిపిస్తోంది.