బిగ్బాస్: అతన్ని గెలిపించడం కోసమే ఎలిమినేట్ చేశారు!
on Nov 29, 2021
బిగ్బాస్ సీజన్ 5 చిత్ర విచిత్రాలతో సాగుతోంది. గత సీజన్లతో పోలిస్తే తాజా సీజన్పై నెటిజన్లు, కంటెస్టెంట్లు ఓ రేంజ్లో మండిపడుతున్నారు. కావాలనే తమని ఎలిమినేట్ చేశారని ఇటీవల బయటికి వచ్చిన కంటెస్టెంట్స్ బాహాటంగానే బిగ్బాస్పై నిప్పులు చెరిగిన విషయం తెలిసిందే. తాజాగా ఆదివారం ఎలిమినేట్ అయిన యాంకర్ రవి కూడా ఇదే తరహా విమర్శల్ని గుప్పించడం విశేషం. ఆదివారం యాంకర్ రవి, కాజల్ల మధ్య టైగా ముగిసిన విషయం తెలిసిందే.
అయితే సన్నీ తన ఎవిక్షన్ ఫ్రీ పాస్ని కాజల్కి ఇవ్వడంతో రవి ఎలిమినేట్ కాగా కాజల్ సేఫ్ అయింది. అయితే యాంకర్ రవి ని ఎలిమినేట్ చేయడం అన్యాయం అని ఈ విషయంలో రవికి అన్యాయం జరిగిందని యాంకర్ రవి ఫ్యాన్స్ బిగ్బాస్ నిర్వాహకులపై దుమ్మెత్తిపోస్తున్నారు. పరోక్షంగా యాంకర్ రవి కూడా ఇదే అనుమానాన్ని వెలిబుచ్చడం పలు విమర్శలకు తావిస్తోంది.
అంతే కాకుండా హౌస్లో వున్న సందర్భంలోనూ లహరి, కాజల్, ప్రియల విషయంలోనూ నాగ్.. రవిని టార్గెట్ చేయడం కూడా ఇందులో భాగమేనని అంతా వాపోతున్నారు. అతన్ని ముందు నుంచి డీగ్రేడ్ చేస్తూ ఓ గుంటనక్కలా చిత్రీకరించిన బిగ్బాస్ చివరికి సన్నీ కోసం రవిని బలిచేశారని అతని అభిమానులు, ప్రేక్షకులు మండిపడుతున్నారు. అయితే బయటికి వచ్చినా రవి కోట్లాది మంది ప్రేక్షకుల సింపతీని సొంతం చేసుకున్నాడని అతని మరో వర్గం చెబుతోంది.
Also Read