రామ్ ప్రసాద్ పచ్చళ్ళ ట్రైనింగ్ సెంటర్...రాఘవ నిల్వ ఆవకాయలాంటోడు
on Apr 22, 2025
సోషల్ మీడియాలో కొన్ని రోజుల క్రితం వరకు పచ్చళ్ళ హడావిడి బాగా నడిచింది. ఎటు చూసిన పచ్చళ్ళు, బూతులు ఇవి తప్ప వేరే న్యూస్ లేదు. ఇప్పుడు ఈ కాన్సెప్ట్ ని తీసుకుని జబర్దస్త్ నెక్స్ట్ వీక్ ప్రోమో రిలీజ్ అయ్యింది. అందులో రామ్ ప్రసాద్ టీమ్ ఈ పచ్చళ్ళు పట్టే కార్యక్రమంతో పాటు ఏఏ ఆర్టిస్ట్ ఏ టైపాఫ్ పచ్చడో చెప్పుకొచ్చాడు. ఈ పచ్చళ్ళు ఆవకాయలు అన్నీ ఒకటేరా అన్నాడు రామ్ ప్రసాద్. ఇంతలో సన్నీ వచ్చి ఎలా అని అడిగేసరికి "భాస్కర్ గోంగూర పచ్చడిలా ఉంటారు. పులుపు కాదు బలుపు" అన్నాడు. "మరి రాఘవ ఏంటో" అన్నాడు సన్నీ. "నిల్వ ఆవకాయ ...జాడీలో పదేళ్ల అలాగే ఉండిపోయాడు లోపల..అది పాడవదు.. తియ్యలేము, పారేయలేము" అన్నాడు రామ్ ప్రసాద్. దానికి జడ్జ్ శివాజీ ఐతే "అది ఊరతా ఉంటది" అన్నాడు. "మరి మన గురించి చెప్పలేదేమిటి" అన్నాడు సన్నీ. "మనది ఉగాది పచ్చడిరా అన్నాడు రామ్ ప్రసాద్.
తీపి, చేదు, వగరు, ఘాటు, పులుపు అన్నీ ఉంటాయి" అన్నాడు. దానికి శివాజీ మళ్ళీ కామెడీనే ఉండదు..అంటూ కౌంటర్ వేసాడు. ఇంతలో రష్మీ వచ్చి "పచ్చళ్ళు కావాలి" అన్నది. ఇంతలో రామ్ ప్రసాద్ "సర్ మేము పచ్చళ్ళు అమ్మడమే కాదు..పచ్చళ్ళు ఎలా చేయాలో కూడా నేర్పిస్తాం అన్నాడు". దానికి శివాజీ "ఓహ్ ట్రైనింగ్ సెంటర్ కూడానా ఇది..ఓ మై మాంగో" అన్నాడు. ఆ మాటలకు అందరూ నవ్వేశారు. "పచ్చడిని తినడమే కాదు నాకచ్చు కూడా " అన్నాడు రామ్ ప్రసాద్. ఇంతలో శాంతి స్వరూప్ పళ్లెంలో మామిడి ముక్కలు పట్టుకుని వచ్చాడు. వెనక దొరబాబు శాంతిని కైపుగా చూస్తూ పళ్లెంలో మామిడి ముక్కలు తింటూ ఉన్నాడు. రామ్ ప్రసాద్ వచ్చి "ఎం చేస్తున్నావు రా" అన్నాడు. చూడు అక్కడ ఎం రాసుందో అని రామ్ ప్రసాద్ కే చూపించాడు. "సరసమైన ధరలకే" అని రాసి ఉంది అన్నాడు. "అందుకే ముందు సరసం ఆడుతున్నా" అన్నాడు దొరబాబు. ఆ మాటలకు షాకైపోయాడు రామ్ ప్రసాద్.
.webp)
.webp)
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
