Karthika Deepam2: ఏకమైన కార్తిక్, దీప.. గౌతమ్ వార్నింగ్!
on Apr 8, 2025
.webp)
స్టార్ మా టీవీలో ప్రసారమవుతున్న సీరియల్ 'కార్తీక దీపం2(Karthika Deepam2)'. ఈ సీరియల్ సోమవారం నాటి ఎపిసోడ్-325 లో... ముందే ఈ శుభవార్తను జ్యోత్స్నకు చెప్పి దాని మనసు చెడగొట్టడం దేనికీ.. గౌతమ్ పేరెంట్స్‌తో కూడా మాట్లాడి, వాళ్లు ఓకే అన్నాక ముహూర్తాలు పెట్టాక దానికి చెబుదామని సుమిత్ర అంటుంది. ఈ పెళ్లి అనుకుంటే ఆ దీప చెడగొడుతుందేమో.. పెళ్లికి కూడా వచ్చి గొడవ చేస్తుందేమోనని పారిజాతం అంటుంది. అలా చేస్తే పోలీసులకు పట్టిస్తానంటాడు శివనారాయణ. సరే అయితే ఇక మనం పెళ్లి ఏర్పాట్లకు గౌతమ్ పేరెంట్స్‌తో మాట్లాడదామని ఆ నలుగురు నిర్ణయించుకుంటారు. అయితే అంతా పైనుంచి చాటుగా విన్న జ్యోత్స్న.. అసలు ఆ గౌతమ్ గాడు ముందు దీప సంగతి చూడకుండా ఇలా తగులుకున్నాడేంటీ.. ముందు వీడికి పెళ్లి కావాల్సి వచ్చిందా.. వాడు ఎలాంటి వాడో తెలిశాక వాడ్ని నేనెందుకు పెళ్లి చేసుకుంటా.. బావతోనే నా పెళ్లి జరగాలి.. దీప అడ్డు తొలగాలి.. ఆ దీప పోవాలంటే ఆ ఇంట్లో ఏదొక గొడవ జరగాలి ఎలా అని రగిలిపోతుంది.
మరోవైపు దీప, కార్తీక్ ఇద్దరి మధ్య దూరం చెరిగి దగ్గరవుతారు. ఈ రోజు శౌర్య స్కూల్ బస్ రాదట బాబు.. మీరే తీసుకెళ్లండి అని శౌర్యను వెళ్లమంటుంది దీప. కార్తీక్ బాబు బండి కొనుక్కోవచ్చుగా అని దీప అనగానే ఏ బండి చూసినా లక్ష పైనే ఉంది దీపా.. దానికి డబ్బులు పక్కకు తీసి పెట్టాను.. తర్వాత వారం తీసుకుందామని కార్తీక్ అంటాడు. కారు కొనుక్కుందామని శౌర్య అనగానే.. ఏం దీపా కారు అంట, కొనాలా అని కార్తీక్ అంటాడు. కొనండి బాబు వచ్చేటప్పుడు ఆడుకునే కారు అని దీప నవ్వుతూ అంటుంది. ఇక కార్తీక్ కూడా నవ్వుతాడు. అమ్మా నువ్వు వెళ్లవా రెస్టారెంట్‌కి అని శౌర్య అనగానే.. అమ్మకు కాస్త పనుంది.. అది చూసుకుని వస్తుందిలే మనం వెళ్దామని కార్తీక్ అంటాడు. మరోవైపు జ్యోత్స్న ఒంటరిగా కూర్చుంటే.. గౌతమ్ కాల్ చేస్తుంటాడు. తనేమో కట్ చేస్తుంటు.ది. దీప విషయం ఏం చేవావని మెసేజ్ చేస్తుంది. ఛ ఈ గౌతమ్ గాడు ముందు దీప సంగతి చూడకపోతే నా ప్లాన్ అంతా వేస్ట్ అవుతుందనుకుంటూ ఉంటుంది. ఇంతలో పారిజాతం వచ్చి.. ఏం ప్లానే అంటుంది. ఇంతలో గౌతమ్ మళ్లీ కాల్ చేయడంతో.. అది చూసిన పారు.. నీ గౌతమ్ కాల్ చేస్తున్నాడే.. లిఫ్ట్ చెయ్.. పెళ్లికి ఓకే అని మీ తాతకు కాల్ చేసి చెప్పాడు.. నీకు చెప్పాడా లేదా అంటూ పక్కనే కూర్చుని సంబరంగా మాట్లాడుతుంది. తప్పక పారిజాతం ముందు గౌతమ్ ఫోన్ లిఫ్ట్ చేసిన జ్యోత్స్న. నేను పెట్టిన మెసేజ్ గురించి ఆలోచించు.. తర్వాత మాట్లాడతానని పెట్టేస్తుంది. ఏంటే అబ్బాయితో అంత కోపంగా మాట్లాడతావని జ్యోత్స్నని కూల్ చేయడానికి ప్రయత్నిస్తుంది. నేను ఏం చేయబోతున్నానో త్వరలో తెలుస్తుందిలే గ్రానీ అని తన మనసులో అనుకుని, ఆ దీప నా పెళ్లి జరగనివ్వదులే గ్రానీ అంటూ మాటను దాటేసి జ్యోత్స్న అక్కడి నుంచి వెళ్లిపోతుంది. జ్యోత్స్న ఫోన్ లో దీప గురించి చెప్పడంతో గౌతమ్ తెగ రగిలిపోతాడు. ఈ దీప నాకు తగులుకుందేంటి? ఏం చెయ్యాలి తనని అని రగిలిపోతాడు.
మరోవైపు కాంచనకి దీప కాఫీ ఇస్తూ ఉంటుంది. అప్పుడే దీపను కాంచన ఓ మాట అడుగుతుంది. వాడు నిన్న నిన్ను ఎక్కడికి తీసుకెళ్లాడో తెలియదు కానీ.. నిన్నటి నుంచి నువ్వు చాలా సంతోషంగా కనిపిస్తున్నావ్.. ఇక నువ్వు సంతోషంగా ఇలానే ఉంటానని నాకు మాటివ్వమని చేయి చాపుతుంది కాంచన. అప్పుడే బయట నుంచి తలుపు కొట్టిన శబ్దం వినిపిస్తుంది. దీప మాట ఇవ్వబోతూ ఆగి.. తనే వెళ్లి తలుపు తీస్తుంది. ఎదురుగా గౌతమ్ ఉంటాడు. దీప, కాంచన బిత్తరపోతారు. ఎవరు ఆ అబ్బాయి అని అనసూయ అంటుంది. జ్యోత్స్నను చేసుకోబోయిన అబ్బాయి ఇతడే అని కాంచన అంటుంది. ఇక గౌతమ్ నవ్వుతూ లోపలికి వచ్చి.. ఏంటి దీపా బాగున్నావా? మీరు బాగున్నారా అంటూ కాంచనను పలకరిస్తూ వచ్చి కూర్చుని.. కాలు మీద కాలేసుకుని బిల్డప్‌గా ఉంటాడు. ఇక దీప, గౌతమ్ ల మధ్య వాదన మొదలవుతుంది. నువ్వు ఇక నుంచి ఏం చేసినా నాకు తెలుస్తుంది దీపా.. తేడా వస్తే.. నా విషయాల్లో కలుగజేసుకుంటే నిన్ను వదిలిపెట్టను.. జాగ్రత్త.. ఏదో నీ సొంత చెల్లెలికి అన్యాయం జరిగినట్లు ఫీల్ అవుతావేంటీ? నువ్వు ఏదీ నిరూపించలేవని తాను చెప్పాలనుకున్నది చెప్పేసి వార్నింగ్ ఇచ్చేసి గౌతమ్ వెళ్లిపోతాడు. ఇక ఆ సమయంలో దీప కూడా గౌతమ్ కాలర్ పట్టుకొని రెచ్చిపోతుంది.. అనసూయ ఆగమనడంతో దీప ఆగుతుంది.
అయితే గౌతమ్ వెళ్లగానే కాంచన నమ్మకంగా.. ఇప్పుడు అర్థమైందా.. నువ్వు చెప్పింది అంతా నిజమే.. ఈ గౌతమ్ మంచివాడు కాదు.. ఆ రోజు నీ మాటలు నమ్మాను కానీ.. ఈ రోజు క్లారిటీ వచ్చిందని కాంచన అంటుంది. భయంతో కాదు బలుపుతో వచ్చాడని దీప అంటుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.
Also Read
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
