Karthika Deepam2 : దాస్ ని కిడ్నాప్ చేసింది జ్యోత్స్నే.. కనిపెట్టేసిన పారిజాతం!
on Jan 31, 2026
స్టార్ మా టీవీలో ప్రసారమవుతున్న సీరియల్ 'కార్తీక దీపం 2'(Karthika Deepam2).ఈ సీరియల్ శుక్రవారం నాటి ఎపిసోడ్ -581 లో...... కార్తీక్ చెప్పినట్టుగా జ్యోత్స్న దగ్గరికి పారిజాతం వెళ్తుంది. మనం పోలీస్ స్టేషన్ కి వెళ్ళాలి.. నా కొడుకు కన్పించడం లేదని కంప్లైంట్ ఇవ్వడానికి అని పారిజాతం అనగానే జ్యోత్స్న టెన్షన్ పడుతుంది. కార్తీక్ చెప్పామన్నట్లు చెప్పినా వాడు చెప్పినట్టు దీని మొహంలో రంగులు మారుతున్నాయని పారిజాతం అనుకుంటుంది. గుమ్మం దగ్గర తయాత్తు కనిపించడం చూస్తే వాడిని ఎవరో కిడ్నాప్ చేశారని అనిపిస్తుంది అందుకే అని పారిజాతం అనగానే జ్యోత్స్న మొహంలో భయం కనపడుతుంది. ఎవరు కిడ్నాప్ చేశారంటే ఏమని సమాధానం చెప్తావని జ్యోత్స్న అనగానే నువ్వే చేసావని చెప్తాను.. మరేంటి అన్ని ప్రశ్నలు అని పారిజాతం కోప్పడుతుంది.
నువ్వు ఏదైనా చేసుకో గ్రానీ.. నేను అయితే రాను నేను ప్రాబ్లమ్ లో ఉన్నప్పుడు వాళ్లెవరు సాయం చెయ్యలేదని జ్యోత్స్న అంటుంది. అంటే ఇప్పుడు దాస్ ప్రాబ్లమ్ లో ఉన్నాడా అని పారిజాతం అడుగుతుంది. నేను నా గురించి చెప్తున్నానని జ్యోత్స్న మాట దాటేస్తుంది. మరొక వైపు కాంచన, కాశీ గురించి మాట్లాడానికి శ్రీధర్ ని ఇంటికి పిలుస్తుంది. కాశీ తప్పు చేసాడు. వాడికి ఒక ఛాన్స్ ఇవ్వండి అని కాంచన అనగానే మంచి మాట మాట్లాడావ్.. మరి నువ్వు నాకు ఒక ఛాన్స్ ఎందుకు ఇవ్వడం లేదని శ్రీధర్ అడుగుతాడు. దాంతో కాంచన సైలెంట్ గా ఉంటుంది. మరొకవైపు కార్తీక్ దగ్గరికి పారిజాతం వస్తుంది.
ఒరేయ్ నువ్వు చెప్పినట్లు చెప్పాను నిజంగానే అది భయపడినట్లు అనిపించిందని పారిజాతం చెప్తుంది. కదా అందుకే నీ మనవరాలు ఏం చేస్తుంది ఎక్కడికి వెళ్ళిందని మొత్తం గమనించమని చెప్తాడు. మరొకవైపు శ్రీధర్ అన్న దానికి కాంచన సమాధానం చెప్పడం లేదు.. అప్పుడే కార్తీక్, దీప ఎంట్రీ ఇస్తారు. కాశీ ఎప్పుడు వచ్చాడని దీప అడుగుతుంది. మీ అత్తగారు కాశీ విషయంలో ఒక ఛాన్స్ ఇవ్వమని చెప్పు అని అంటుంది కాంచన. అదే నా విషయంలో ఎందుకు ఛాన్స్ ఇవ్వడం లేదని అంటున్నానని శ్రీధర్ అంటాడు. ఒరేయ్ కార్తీక్ నువ్వు అయినా చెప్పమని శ్రీధర్ అనగానే మీ కొడుకుగా మీరు కలిసి ఉండాలనే అనుకుంటాను.. మీరు మాట్లాడుకొండి అని కార్తీక్ అంటాడు. ఒకసారి నిర్ణయం తీసుకున్నాక మార్పు ఉండదని కాంచన అంటుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
