Jayam serial: ఒక్కసారిగా కుప్పకూలిన శకుంతల.. గంగ వల్లే బ్రతికిందిగా
on Dec 27, 2025
జీ తెలుగులో ప్రసారమవుతున్న సీరియల్ 'జయం'(Jayam). ఈ సీరియల్ శుక్రవారం నాటి ఎపిసోడ్ -152 లో......రుద్రకి వీరు ఫోన్ చేస్తాడు. బావ ఎక్కడ ఉన్నావని అడిగేలోపు స్నేహ ఫోన్ లాక్కొని అన్నయ్య గుడి నుండే వస్తున్నారా త్వరగా రండి అని అంటుంది. దాంతో స్నేహ కవర్ చేసిందని రుద్ర, గంగ అర్ధం చేసుకొని వస్తున్నామని అంటాడు. ఆ లోపు వీరు ఫోన్ తీసుకొని బావ మీ కోసం వెయిట్ చేస్తున్నాం.. త్వరగా రమ్మని రుద్రకి వీరు చెప్తాడు.
ఆ తర్వాత రుద్ర, గంగ వస్తారు. రుద్ర బయట నుండే స్వామిని చూస్తాడు. రుద్ర వెనక్కి వెళ్తుంటే బావ లోపలికి రా అని వీరు పిలుస్తాడు. బయటే షూస్ విప్పమని గంగకి చెప్తాడు. ఇద్దరు లోపలికి రాగానే ఇలాగేనే గుడికి వెళ్ళేది బాగా పద్ధతులు నేర్పుతున్నావని శకుంతలని స్వామి అంటాడు. ఈ వస్త్రాధరణతోనేనా ఆశీర్వచణం ఇచ్చేదని స్వామి కోప్పడతాడు. ఆ తర్వాత గంగ, రుద్ర బట్టలు మార్చుకొని వస్తారు. ఇద్దరిని ఆశీర్వదిస్తాడు. వాళ్లకు కొంచెం పద్ధతి గురించి చెప్పండి అని శకుంతల అనగానే.. వాళ్ళకి కాదు నీకు చెప్పాలని స్వామి అంటాడు. వాళ్ళది పద్దతి ప్రకారం పెళ్లి జరగలేదు.. కులదేవత గుడికి తీసుకొని వెళ్ళలేదని స్వామి, శకుంతలపై కోప్పడతాడు.
రేపు గుడికి తీసుకొని వెళ్ళు.. నువ్వు నూట ఒక్క ప్రదక్షిణలు చెయ్ అని స్వామి అనగానే.. నేను చేస్తాను అని రుద్ర అంటాడు. లేదు తనే చెయ్యాలని స్వామి చెప్తాడు. స్వామి వెళ్ళిపోయాక ఇదంతా గంగ వళ్లే అని ఇషిక, వీరు అంటుంటే శకుంతల కిందపడిపోతుంది. దాంతో గంగ వచ్చి శకుంతల ఛాతిపై నొక్కుతు లేపే ప్రయత్నం చేస్తుంది. ఆ లోపు డాక్టర్ వస్తాడు. గంగ నీ వల్లే ఇదంతా తనే బాలేదు అంటే అత్తయ్యని కుదిపేశావని ఇషిక కోప్పడుతుంది. తను అలా చెయ్యడం వల్లే ఈవిడ ఇలా ఉంది. అలా చేసి మంచి పని చేసిందని డాక్టర్ చెప్తుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే .
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
