గుప్పెడంత మనసు అభిమానుల కామెంట్ల మోత.. యూట్యూబ్ లో ట్రెండింగ్!
on Jun 28, 2024
కొన్ని కథలకి , సినిమాలకి ఫ్యాన్స్ ఉంటారు. కానీ సీరియల్ లోని క్యారెక్టర్లకి భారీ ఫ్యాన్ ఫాలోయింగ్ క్రియేట్ అవ్వడం ఇదే తొలిసారి. స్టార్ మా టీవీలో ప్రసారమవుతున్న సీరియల్ ' గుప్పెడంత మనసు'.
ఈ సీరియల్ లోని రిషి, వసుధారల ఆన్ స్క్రీన్ పర్ఫామెన్స్ కి అత్యధిక ఫ్యాన్ బేస్ ఉంది. ఎంతలా అంటే గుప్పెడంత మనసు సీరియల్ ప్రోమో యూట్యూబ్ లో విడుదలైన అయిదు గంటలకే లక్ష యాభై వేల వ్యూస్ కి చేరుకుంది. అంతటి క్రేజ్ రావడానికి ఈ సీరియల్ కథ కారణం. ఓ మిడిల్ క్లాస్ అమ్మాయి చదువులో బంగారం, క్యారెక్టర్ లో ఉత్తమం.. అలాంటి వసుధార డీబీఎస్టీ కాలేజీలో చేరడం.. ఆ కాలేజీ ఎండీ రిషీని కలవడం.. వారి మధ్య ప్రేమ.. పెళ్ళి.. ఇలా ఎన్నో మలుపులతో వీరిద్దరు జోడీ చూడటానికి ఫ్యాన్స్ అలవాటు పడిపోయారు. ఇక తాజగా జరుగుతున్న ఎపిసోడ్ లలో రంగా పాత్రలో రిషి నటిస్తున్నాడా లేదా కనిపెట్టే ప్రాసెస్ లో వసుధార కొన్ని ప్రశ్నలు కురిపించింది. దాంతో రంగా , సరోజల మధ్య దూరం పెరగనుందా లేదా అనేది ఇందులోని పాయింట్.
రంగానే రిషి అని వసుధార స్ట్రాంగ్ గా నమ్ముతుంది. కానీ రంగా చుట్టూ ఉన్న సరోజ, రంగా వాళ్ళ నాన్నమ్మ, ఫ్రెండ్ ఇలా అందరు తను రంగానే అంటున్నారు. మరోవైపు ఎండీ పదవి కోసం శైలేంద్ర రకరకాల ప్రయత్నాలు చేస్తున్నాడు. మరి రంగానే రిషి అని వసుధార నిరూపిస్తుందా లేదా అనేది తెలియాల్సి ఉంది. మరోవైపు యూట్యూబ్ లో ఈ ప్రోమో కింద అభిమానులు కామెంట్ల వర్షం కురిపిస్తున్నారు. రిషి, వసుధారల జోడీని మళ్ళీ చూడటం అదృష్టంగా ఉంది అని ఒకరు.. ' సృష్టి కలిపిన శుభలగ్నంలో పంచభూతాలే సాక్ష్యంగా చూపులు కలిసిన వేళ మొదటి ముడి పడింది. మాట మాట కలిసిన వేళ రెండవ ముడి పడింది. ఇరు మనసులు కలిసిన వేళ మూడవ ముడి పడింది ' ఇలా వారి బంధం శాశ్వతం అంటు మరొకరు కామెంట్ చేశారు. ఇలా ఈ సీరియల్ అభిమానులు ఎమోషనల్ కామెంట్లు చేస్తున్నారు. మరి మీలో ఎంతమంది ఈ సీరియల్ ని చూస్తారో కామెంట్ చేయండి.
Also Read