Guppedantha Manasu : వాళ్ళిద్దరిది కన్నపేగు బంధమే.. అల్లాడిపోయిన అనుపమ!
on May 1, 2024
స్టార్ మా టీవీలో ప్రసారమవుతున్న సీరియల్ 'గుప్పెడంత మనసు'. ఈ సీరియల్ మంగళవారం నాటి ఎపిసోడ్ -1063 లో...నేను వెళ్లి తాతయ్యకి జరిగిందంతా చెప్తాను.. మంచి లాయర్ ని పెట్టి ఎలాగైనా మనుని బయటకు వచ్చేలా చేయమని చెప్తానని ఏంజిల్ అనగానే.. వద్దని అనుపమ అంటుంది. అసలే నాన్న ఆరోగ్యం బాగోలేదు. ఈ టైమ్ లో ఇదంతా చెప్పి బాధపెట్టడం వద్దని అనుపమ అంటుంది. వసుధార కూడ అలాగే చెప్తుంది.. ఇక నువ్వు ఇంటికి వెళ్లి తాతయ్యని చూసుకోమంటు ఏంజిల్ ని పంపిస్తుంది అనుపమ.
అ తర్వాత అనుపమ మను దగ్గరికి వెళ్తుంది. థాంక్స్ మేడమ్ ఇప్పుడైనా చూడడానికి వచ్చారు. ఇప్పుడు సానుభూతితో వచ్చారా ప్రేమతో వచ్చారా.. సానుభూతితో వస్తే ఒక సాటిమనిషిగా వచ్చారనుకుంటాను ప్రేమతో వస్తే నా తల్లిగా వచ్చారనుకుంటానని మను అనగానే.. అనుపమ ఎమోషనల్ అవుతుంది. మీకు నా పైన ప్రేమ చూపించే అవకాశం వచ్చింది.. చూపిస్తున్నారు కానీ నాకు అవకాశం రావడం లేదని మను అంటాడు. అమ్మ అని పిలవడంలో మాత్రమే నా ప్రేమని చూపించగలను కానీ అ అవకాశం లేదు. ఇంతకి నేను ఈ తప్పు చేసానని అనుకుంటున్నారా అని అనుపమని మను అడుగుతాడు. నువ్వు నా పెంపకంలో పెరిగావు.. ఎలాంటి తప్పు చెయ్యవని అనుపమ గన మనసులో అనుకుంటుంది. నాకు ప్రాణాలు తీసేంత కోపం ఎవరి మీద లేదు మేడమ్ ఒకే ఒక వ్యక్తి పైన ఉంది.. అది నా కన్నతండ్రి పైన మమ్మల్ని ఇలా ఎందుకు వదిలేసాడని కోపనని మను అనగానే... అనుపమ ఎమోషనల్ అవుతూ.. నీ తండ్రి పైన అలాంటి కోపం ఉంటే మానేసుకోమని చెప్పి వెళ్తుంటే.. ఇంతకు నేను ఈ తప్పు చేసానని మీరు అనుకుంటున్నారా లేదా అని చెప్పలేదని మను అడుగుతాడు లేదని అనుపమ చెప్పి వెళ్ళిపోతుంది.
మరొకవైపు శైలేంద్రని మహేంద్ర కలుస్తాడు. ఇదంతా నువ్వే చేసావ్ కదా అని అడుగుతాడు. ఎందుకు అలా అంటున్నారంటూ శైలేంద్ర అడుగుతాడు. ఎందుకు అంటే నువ్వే మాకు శత్రువు కాబట్టి ఎండీ పదవి కోసం ఏమైనా చేస్తావ్.. ఇప్పుడు మనుని దత్తత తీసుకుంటే నీకు ఎండీ పదవి దక్కదని ఇలా చేసావ్ కదా అని మహేంద్ర అంటాడు. మను కావాలనే రాజీవ్ ని షూట్ చేసాడేమో.. వసుధార అంటే రాజీవ్ కి ఇష్టం కదా వసుధారని ఇబ్బంది పెడుతున్నాడని అలా చేసి ఉండొచ్చు.. ఒకవేళ వసుధర పైన మనసు పడ్డాడేమోనని శైలేంద్ర అనగానే.. తన చెంప చెల్లుమనిపిస్తాడు మహేంద్ర. ఇంకొకసారి అలా మాట్లాడితే బాగుండదంటు మహేంద్ర వార్నింగ్ ఇస్తాడు. మనుని ఎలాగైనా బయటకు తీసుకొని వస్తానని మహేంద్ర అంటాడు. అ తర్వాత అనుపమ తన పెద్దమ్మ దగ్గరకి వచ్చి ఎమోషనల్ అవుతుంది. అక్కడే మహేంద్ర, వసుధార కూడా ఉంటారు. అ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.
Also Read