Eto Vellipoyindhi Manasu : యాగం ఆపడానికి దుష్టశక్తులు ప్రయత్నం.. మరి అది జరిగేనా!
on Sep 18, 2024
స్టార్ మా టీవీలో ప్రసారమవుతున్న సీరియల్ ' ఎటో వెళ్లిపోయింది మనసు'(Eto Vellipoyindhi Manasu). ఈ సీరియల్ బుధవారం నాటి ఎపిసోడ్ 204 లో.....యాగం ఆపాలని శ్రీవల్లి, సందీప్, శ్రీలతలు విశ్వప్రయత్నాలు చేస్తుంటారు. శ్రీలత యాగం పనులు చేస్తుంటే.. మాణిక్యం వద్దని అనడం తో మాణిక్యాన్ని రెచ్చగొట్టి యాగం ఆపాలని శ్రీవల్లి అనుకుంటుంది. మాణిక్యంతో మా అత్తయ్యతో అలా అంటావా అని అంటుంది. అప్పుడే సీతాకాంత్ వస్తాడు. చూడండి బావ గారు అత్తయ్యని అలా అన్నాడంటూ చెప్తుంది.. నేను అలా అనలేదని మాణిక్యం అంటాడు. అప్పుడే స్వామిజీ కలుగుజేసుకుని అలా అంటే తప్పేంటి ఇది పవిత్రమైంది.. అందుకే అందరు ముట్టుకోకుడదు అన్నాడని అనగానే.. అందరు సైలెంట్ అయిపోతారు.
ఆ తర్వాత ఇంకా స్వామి రాలేదని పెద్దాయన అంటాడు. సీతాకాంత్ స్వామికి ఫోన్ చేస్తుంటే కలవదు. తను రాడని తెలిస్తే గుండె ఆగిపోతుందేమోనని శ్రీవల్లి అనుకుంటుంది. ఇక ఇది ఎలా చేస్తావ్ రామలక్ష్మి అని శ్రీలత అనుకుంటుంది. ఆ తర్వాత ఇంకో స్వామి ఫోన్ మాట్లాడుతు.. స్వామికి ఆక్సిడెంట్ అయిందా అంటూ షాక్ అవుతాడు. దాంతో అందరు ఇక యాగం ఆగినట్లేనని టెన్షన్ పడతారు. శ్రీవల్లి, సందీప్, శ్రీలతలు హ్యాపీ గా ఫీల్ అవుతారు.ఇక అంతా దేవుడు దయ అంటూ రామలక్ష్మి సీతాకాంత్ లు మొక్కుకుంటారు. అప్పుడే స్వామి వస్తుంటాడు. అతన్ని చూసి హ్యాపీ గా ఫీల్ అవుతారు. మీకు ఆక్సిడెంట్ అయిందట అని సీతాకాంత్ అంటాడు. చెప్పాను కదా దుష్టశక్తులు యాగం ఆపాలని చూస్తారని అని స్వామి అంటాడు.ఆ తర్వాత యాగాన్ని మొదలుపెడతారు. ఇది నిష్టతో చెయ్యాలి మధ్యలో నీళ్లు కూడా తాగకూడదని స్వామి చెప్తాడు. ఇప్పుడే ఏదైనా తాగండి అని స్వామి చెప్పగానే నేను తీసుకొని వస్తానంటూ సుజాత వెళ్తుంటే నేను వస్తాను అని శ్రీవల్లి వెళ్తుంది. సుజాత కొబ్బరి నీళ్లు గ్లాస్ లో పోస్తుంది. అందులో శ్రీవల్లి మత్తు టాబ్లెట్ కలుపుతుంది. ఆ నీళ్లు తీసుకొని వచ్చి ఇస్తారు. రామలక్ష్మి ఆ వాటర్ తాగుతుంది.
ఆ తర్వాత యాగం మొదలవుతుంది. పంతులు మంత్రాలు చదువుతుంటాడు. ఆ తర్వాత మాణిక్యం పూజ సామాగ్రి తెస్తుంటే కింద పడిపోతాడు. తాగి వస్తే ఇలాగే ఉంటుందంటూ శ్రీవల్లి గొడవ చేయగా.. తాగి రాలేదని మాణిక్యం అంటాడు. తాగి రాలేదు, తాగి వస్తే ఎలా ఉంటాడు నాకు తెలుసని సీతాకంత్ అంటాడు. ఆ తర్వాత రామలక్ష్మి మత్తుగా అనిపిస్తుంది. మత్తు పని చేస్తున్నట్లు ఉందని శ్రీవల్లికి శ్రీవల్లి చెప్తుంది. రామలక్ష్మి మత్తులో సీతాకాంత్ పై పడిపోతుంది. ఇదంతా యాగం ఆగడానికి దుష్టశక్తలు చేస్తుంది. మీరు వేదమంత్రాలూ చదవండి ఆపకండి అని స్వామి చెప్తాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.
Also Read