తన కూతురి కాపురం చక్కదిద్దమని మురారిని రిక్వెస్ట్ చేసిన శ్రీనివాస్!
on May 23, 2023
.webp)
స్టార్ మా టీవీలో ప్రసారమవుతున్న సీరియల్ 'కృష్ణ ముకుంద మురారి'. ఈ సీరియల్ సోమవారం నాటి ఎపిసోడ్ -163 లో.. ముకుంద వాళ్ళ నాన్నకి ఫోన్ చేసి ఈ ఇంట్లో ఉండలేకపోతున్న నాన్న.. వాళ్ళిద్దరు అలా సంతోషంగా ఉండడం భరించలేకపోతున్నా నాన్న అని ముకుంద అంటుంది. మరి మన ఇంటికి వచ్చేయమని శ్రీనివాస్ అంటాడు. నేను వస్తే ఇక వాళ్ళిద్దరికి ఏ అడ్డు ఉండదు అందుకే నేను ఇక్కడే ఉంటాను నాన్న. మురారి ప్రేమలో పడ్డట్టు అనిపిస్తుంది. నువ్వే ఎలాగైనా మురారితో మాట్లాడాలి. కృష్ణ వెళ్లిపోయాక మురారి నన్నే పెళ్లి చేసుకునేలా చెయ్యాలి.. తనతో మాట్లాడు నాన్న అని ముకుంద అంటుంది. నీకోసం ఏదైనా చేస్తానని సమాధానమిస్తాడు శ్రీనివాస్.
మరొకవైపు కృష్ణని దింపడానికి మురారి వెళ్తాడు. అక్కడ ఇద్దరు ఐస్ క్రీం తింటుంటారు. మురారికి ఐస్ క్రీం అంటకోవడంతో.. కృష్ణ తన చీర కొంగుతో తుడుస్తుంది. అప్పుడే అక్కడికి వచ్చిన శ్రీనివాస్.. వాళ్లిద్దరూ అలా ప్రేమగా ఉండడం చూస్తాడు. కాసేపటికి కృష్ణ హాస్పిటల్ లోపలికి వెళ్ళడంతో మురారి దగ్గరికి శ్రీనివాస్ వస్తాడు. "నువ్వు చూపించేది ప్రేమా? అభిమానమా?" అని మురారిని శ్రీనివాస్ అడుగుతాడు. మీరేం మాట్లాడుతున్నారు.. తను నా భార్య అని మురారి అంటాడు. ముకుంద మీ అగ్రిమెంట్ మ్యారేజ్ గురించి అంతా చెప్పింది. కృష్ణ వెళ్ళిపోగానే తనని పెళ్లి చేసుకుంటావని ముకుంద ఆశగా ఎదురుచూస్తుందని శ్రీనివాస్ అంటాడు.
ఏం మాట్లాడుతున్నారు మీరు.. పరాయి వాడి భార్యని నేను పెళ్లి చేసుకోవడమేంటని మురారి అంటాడు. నా కూతురిని ప్రేమించి అన్యాయం చేసావ్.. దాని జీవితమెలా అని శ్రీనివాస్ ప్రశ్నించగా.. మీ కూతురి జీవితం గురించి మీరు..మా పెద్దమ్మ మాట్లాడుకోండి. నన్ను పెళ్లి చేసుకోమని అనడం ఎంతవరకు కరెక్ట్.. ఒక ఆడపిల్ల గొంతు కోసి, మీ కూతురిని ఎలా పెళ్లి చేసుకోగలను. కృష్ణ ఒక వేళ వెళ్ళిపోతానని చెప్పినా నేను వెళ్ళనివ్వను.. కృష్ణకి నేను తప్ప ఎవరు లేరని మురారి అంటాడు.
నేను ఇలా అనడం తప్పే బాబు.. నా కూతురు కోసం వేరొక ఆడపిల్ల గొంతు కోయమని చెప్పను. కానీ మీరు ఒక హెల్ప్ చెయ్యండి.. ముకుందకి నీపై ద్వేషం కలిగేలా చెయ్యండి.. అప్పుడు ముకుంద మా ఇంటికి వస్తుంది. ఆదర్శ్ వచ్చేవరకు చూస్తాను. రాకుంటే వేరే పెళ్లి చేస్తానని శ్రీనివాస్ అంటాడు. దానికి మురారి సరేనంటాడు.
మరొక వైపు కృష్ణ హాస్పిటల్ కి వెళ్ళిన తర్వాత కూడా మురారిని పదే పదే గుర్తు చేసుకుంటుంది. ఎవరిని చూసిన మురారిలాగా ఉహించుకుంటుంది. మరొకవైపు మురారి కార్ లో వెళ్తూ.. ముకుంద అనేసిన మాటలు గుర్తు చేసుకుంటాడు. అలాగే శ్రీనివాస్ చెప్పిన మాటలన్నీ గుర్తుచేసుకుంటాడు. ఎలాగైనా ముకుందకి నాపై ఉన్న ప్రేమని, నా ప్రవర్తనతో ద్వేషం కలిగేలా చెయ్యాలని మురారి అనుకుంటాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.
Also Read
.webp)
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
