5వేల మినీ థియేటర్లు.. సూత్రధారి ఎవరు?
on Jun 6, 2015
థియేటర్ల విషయంలో చిత్రసీమలో గుత్తాధిపత్యం నెలకొంది. నలుగురి చేతిల్లోనే థియేటర్లకు కబ్జా అయిపోయాయి. చిన్న సినిమాలకు థియేటర్లు దొరకడం లేదు. దొరికినా... వచ్చిన డబ్బులు అద్దె డబ్బులకే సరిపోవడం లేదు. అందుకే ఇప్పుడు మినీ థియేటర్లు అనే ఆలోచన తెరపైకి వచ్చింది. చిత్రసీమలో కొన్ని పెద్ద తలకాయలు.. చేస్తున్న ప్రయత్నమిది. రూ.20లక్షలకే థియేటర్లు నిర్మించాలన్నది వీరి లక్ష్యం. చోటు చూపించి, రూ.20 లక్షలు ఇస్తే చాలు, థియేటర్లు కట్టివెళ్లిపోతారు. ప్రధాన కూడళ్లోనే థియేటర్ ఉండాలని రూలేం లేదు. నాలుగు అపార్ట్మెంట్ల మధ్యలో ఖాళీ స్థలం ఉన్నా సరిపోతుంది. 100 నుంచి 150 సీట్ల కెపాసిటీతో థియేటర్లు కడితే చిన్న సినిమాలకు అనువుగా ఉంటుందని అంచనా వేస్తున్నారు. దాదాపు 5 వేల థియేటర్ల స్థాపన వీరి లక్ష్యం. చలన చిత్ర వాణిజ్య మండలి సహకారంతో ఈ థియేటర్లు నిర్మిస్తారట. టికెట్టు రేట్లు కూడా బాగా తగ్గే అవకాశం ఉంది. ఈ మొత్తం కార్యక్రమం వెనుక రామోజీరావు హస్తం, అండదండలు ఉన్నటు విశ్వసనీయ వర్గాల సమాచారం. ఈ ప్లాన్ వర్కవుట్ అయ్యి, నిజంగానే 5 వేల థియేటర్లు నెలకొల్పితే.. థియేటర్ల గుత్తాధిపత్యం అనే మాటే వినిపించదు.
Also Read