Home

»

Latest News

కమల్ హాసన్ క్లాసిక్ మూవీ టైటిల్‌పై కన్నేసిన రౌడీ!

Mar 4, 2020 11:56AM

 

సింగీతం శ్రీనివాసరావు దర్శకత్వంలో కమల్ హాసన్, అమల ప్రధాన పాత్రలు పోషించిన 'పుష్పక విమానం' ఒక క్లాసిక్‌గా ఇండియన్ సినిమాలో నిలిచింది. 1987లో వచ్చిన అది సంభాషణలు లేని, కేవలం రీరికార్డింగ్‌తో నడిచే సినిమా కావడం విశేషం. అలాంటి ఆ సినిమా టైటిల్‌పై రౌడీ హీరో విజయ్ దేవరకొండ కన్నేశాడు. తన సొంత నిర్మాణ సంస్థ కింగ్ ఆఫ్ ద హిల్ ఎంటర్‌టైన్‌మెంట్ బ్యానర్‌పై 'పుష్పక విమానం' టైటిల్‌ను రిజిస్టర్ చేయించాడు. ఇటీవలే ఆ బ్యానర్‌పై డైరెక్టర్ తరుణ్ భాస్కర్‌ను హీరోగా పరిచయం చేస్తూ అతను నిర్మించిన 'మీకు మాత్రమే చెప్తా' మూవీ అతనికి లాభాలు అందించింది. 

ఆ మూవీ తర్వాత అతను 'పుష్పక విమానం'ను నిర్మించనున్నాడనే విషయం, ఆ టైటిల్ రిజిస్ట్రేషన్ ద్వారా వెల్లడైంది. ఆ సినిమాలో విజయ్ హీరోగా నటిస్తాడా, లేక మునుపటి సినిమా తరహాలోనే మరో హీరోతో ఆ సినిమా నిర్మిస్తాడా?.. అనే విషయం తెలియాల్సి ఉంది. ఇంతకీ ఆ పేరుతో స్క్రిప్టును రాసిన డైరెక్టర్ ఎవరనేది ఆసక్తికరం. అయితే 'పుష్పక విమానం' లాంటి క్లాసిక్ టైటిల్‌తో ఈ రోజుల్లో సినిమా తియ్యాలని సంకల్పించడం మాత్రం ఒక సాహసమనే చెప్పాలి. విజయ్ ప్రస్తుతం పూరి జగన్నాథ్ డైరెక్షన్‌లో 'లైగర్' అనే పాన్ ఇండియా మూవీ చేస్తున్నాడు. ఈ సమ్మర్‌కే దాన్ని ప్రేక్షకుల ముందుకు తీసుకు వచ్చే ప్రయత్నాలు జరుగుతున్నాయి.

google-ad-img

Customer Service

For support : teluguone.teluguone@gmail.com | For Queries : support@teluguone.com