విజయ్, సమంత క్రేజీ ప్రాజెక్ట్ షురూ
on Apr 21, 2022
2020 ఫిబ్రవరిలో వచ్చిన 'వరల్డ్ ఫేమస్ లవర్' తర్వాత రెండేళ్లుగా ఒక్క సినిమా కూడా విడుదల చేయని రౌడీ హీరో విజయ్ దేవరకొండ ఒక్కసారిగా వేగం పెంచాడు. ఇప్పటికే పూరి జగన్నాథ్ దర్శకత్వంలో 'లైగర్' షూటింగ్ పూర్తి చేసిన విజయ్.. ఆ సినిమా ఇంకా విడుదల కాకముందే ఆయన దర్శకత్వంలోనే 'జనగణమన' అనే సినిమాని ప్రకటించాడు. ఇక తాజాగా శివ నిర్వాణ దర్శకత్వంలో మరో సినిమాని మొదలుపెట్టాడు.
శివ నిర్వాణ దర్శకత్వంలో విజయ్ ఓ సినిమా చేస్తున్నాడు. మైత్రీ మూవీ మేకర్స్ తమ 19వ సినిమాగా ఈ చిత్రాన్ని నిర్మిస్తోంది. విజయ్ సరసన సమంత హీరోయిన్ గా నటిస్తోంది. ఈ చిత్ర షూటింగ్ ప్రారంభోత్సవ కార్యక్రమం గురువారం హైదరాబాద్ లో వైభవంగా జరిగింది. ముహూర్తపు సన్నివేశానికి దర్శకుడు హరీశ్ శంకర్ క్లాప్ ఇవ్వగా.. ఉప్పెన దర్శకుడు బుచ్చిబాబు కెమెరా స్విచ్ఛాన్ చేశారు. స్క్రిప్టును మైత్రీ మూవీ మేకర్స్ నిర్మాతలు వై రవిశంకర్, నవీన్ యేర్నేని దర్శకుడు శివ నిర్వాణకు అందజేశారు.
ఫ్యామిలీ ఎంటర్ టైనర్ గా ఈ చిత్రం ఉండబోతోంది. నిన్ను కోరి, మజిలీ వంటి అందమైన సకుటుంబ ప్రేమ కథల్ని తెరకెక్కించిన శివ నిర్వాణ మరోసారి తన సిల్వర్ స్క్రీన్ మ్యాజిక్ చేయబోతున్నాడు. గతంలో మహానటి చిత్రంలో విజయ్, సమంత కలిసి నటించగా.. ఈ సినిమా వారి పెయిర్ ను ఫుల్ ఫ్లెజ్డ్ గా తెరపై చూపించబోతోంది. ఇక మజిలీ చిత్రం తరువాత శివ నిర్వాణ డైరెక్షన్ లో సమంత నటిస్తుండటం విశేషం. ఈ సినిమా రెగ్యులర్ షూటింగ్ ఈ నెలలోనే కశ్మీర్ లో మొదలవుతుంది. అక్కడ లెంగ్తీ షెడ్యూల్ కంప్లీట్ చేసుకున్న తర్వాత హైదరాబాద్, వైజాగ్, అల్లెప్పి లలో మిగతా షూటింగ్ జరుపుకుంటుంది.
Also Read
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
