'శ్రీకారం' రిలీజ్ డేట్ రివీల్
on Feb 1, 2020
శర్వానంద్ హీరోగా నటిస్తోన్న 'శ్రీకారం' మూవీ షూటింగ్ చివరి దశకు చేరుకుంది. ప్రస్తుతం దీని షూటింగ్ హైదరాబాద్ పరిసర ప్రాంతాల్లో జరుగుతోంది. ఇటీవల నిర్మాతలు ఆవిష్కరించిన ఫస్ట్ లుక్ పోస్టర్‌కు మంచి స్పందన వచ్చింది. అందులో రైతు గెటప్‌లో శర్వానంద్ ఆకట్టుకున్నాడు. తాజాగా నిర్మాతలు సినిమా విడుదల తేదీ ప్రకటించారు. ఏప్రిల్ 24న 'శ్రీకారం' ప్రపంచవ్యాప్తంగా విడుదల కానుంది. సినిమాల విడుదలకు సమ్మర్ అతి పెద్ద సీజన్ అనే విషయం తెలిసిందే. 'శ్రీకారం'తో సమ్మర్ హాలిడేస్‌ను క్యాష్ చేసుకోవడానికి శర్వానంద్ రెడీ అవుతున్నాడన్న మాట. కిషోర్ బి. డైరెక్ట్ చేస్తోన్న ఈ ఫ్యామిలీ ఎంటర్టైనర్‌లో శర్వానంద్ జోడీగా 'గ్యాంగ్ లీడర్' ఫేమ్ ప్రియాంక అరుళ్ మోహన్ నటిస్తోంది.
14 రీల్స్ ప్లస్ బ్యానర్ పై రామ్ ఆచంట, గోపి ఆచంట ఈ మూవీని నిర్మిస్తున్నారు. 'గద్దలకొండ గణేష్' లాంటి బ్లాక్ బస్టర్ తర్వాత వాళ్లకు ఇది రెండో చిత్రం. 'గద్దలకొండ గణేష్' మూవీతో మాస్ ట్యూన్స్ కూడా ఇస్తానని నిరూపించుకొని మంచి ఫామ్ లో ఉన్న మిక్కీ జె మేయర్ 'శ్రీకారం'కు వినసొంపైన బాణీలు అందిస్తున్నాడు. పేరుపొందిన రైటర్ సాయిమాధవ్ బుర్రా డైలాగ్స్ రాస్తుండగా, జె. యువరాజ్ సినిమాటోగ్రాఫర్‌గా, అవినాష్ కొల్లా ఆర్ట్ డైరెక్టర్‌గా పనిచేస్తున్నారు. రావు రమేష్, ఆమని, సీనియర్ నరేష్, సాయికుమార్, మురళీ శర్మ, సత్యా, సప్తగిరి కీలక పాత్రధారులు.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
